Мира Сорвино

Чөлөөт нэвтэрхий толь — Википедиагаас
Харайх: Удирдах, Хайлт
Мира Сорвино
Mira Sorvino
Сорвино 2007 онд
Сорвино 2007 онд
Бүтэн нэр Мира Кэтрин Сорвино
Иргэншил Америкийн Нэгдсэн УлсАмерикийн Нэгдсэн Улс Америк
Төрсөн огноо 1967 оны 9 сарын 28
Төрсөн газар Тенафлай, Нью-ЖерсиАмерикийн Нэгдсэн Улс
Танил үе 1993—одоо
Мэргэжлийн замнал
Мэргэжил жүжигчин
Гавьяа шагнал «Оскар» (1996)
«Алтан бөмбөрцөг» (1996)

Мира Кэтрин Сорвино (англ. Mira Katherine Sorvino, 1967 оны есдүгээр сарын 28-нд Нью-Жерси мужийн Тенафлай хотод төрсөн) — Америкийн эмэгтэй жүжигчин.

Товчхон[засварлах | edit source]

Сицили гаралтай америкийн жүжигчин Пол Сорвиногийн охин Мира Харвардын их сургуулийг Дорнод Ази судлалаар суралцахдаа Хятадын Бээжин хотноо оюутан солилцоогоор жил дадлагажаад 1989 онд төгсчээ.

Нью-Йоркт гурван жил амьдрахдаа жүжигчин болохоор шийдэн киноны сонгон шалгаруулалтуудад оролцсоор «Барселона»-гаас (1994) амжилттай эхэлж, Роберт Редфордын «Тааварт нэвтрүүлэг» (1994), Вуди Аллений «Сүрлэг Афродита»-гаар (1995) бүрэн алдаршсан юм. Туслах дүртэй «Сүрлэг Афродита» түүнд Оскар, Алтан бөмбөрцөг авчиран БАФТА, Гилд тэргүүтэй олон шагналд дэвшүүлсэн.

«HBO» Мэрилин Монрогийн намтараас сэдэвлэн «Норма Жин, Мэрилин хоёр» (1996) бүтээхэд Мира Сорвина Мэрилин Монрогийн дүрийг амжилттай бүтээн Алтан бөмбөрцөгт дэвшсэн билээ.

Хувийн амьдрал[засварлах | edit source]

Мира 2004 оны зургаадугаар сарын 11-нд жүжигчин Кристофер Бакустай (1981 онд төрсөн)[1] гэрлэсэн. Дөрвөн хүүхэдтэй: Мэттеа Энжел Бакус (03.11.2004)[2], Жонни Кристофер Кинг Бакус (29.05.2006)[3], Холден Пол Терри Бакус (22.06.2009)[4] болон Люсиа Бакус (03.05.2012)[5] 1990-ээд онд гурван жил гаруй найруулагч Квентин Тарантинотой үерхсэн байдаг.

Гадны холбоос[засварлах | edit source]

 Commons: Мира Сорвино – Викимедиа зураг, бичлэг, дууны сан

Эшлэл[засварлах | edit source]