Михаил Фёдорович

Михаил Фёдорович (1596 оны 7-р сарын 22-нэд Москва хотод төрсөн– 1645 оны 7-р сарын 23нд Москва хотод нас барсан) - Романов удмын анхны Оросын хаан байв. Тэрээр 1613 оны 4-р сарын 6-наас хаанчилж, 1613 оны 3-р сарын 3-нд Оросын "Земский Собор"-оос хаан ширээнд сонгогдож, 1613 оны 3-р сарын 24-нд хаан ширээг хүлээн авч, 1613 оны 7-р сарын 21-нд титэм зүүжээ.

Намтар

Михаил Фёдорович Бояр Фёдор Никитич Романовын хүү бөгөөд хожим нь "Филарет" нэрээр Москва болон Бүх Оросын хамба лам болсон. Фёдор Никитич нь Царь I Фёдор Ивановичийн үеэл байв. 1613 оны 3-р сарын 3-нд Михаилыг Земский Собор дээр шинэ хаанаар сонгож, Үймээн самууны үе дууссаныг тэмдэглэжээ. Түүнийг хаан ширээнд залах үед тэрээр ердөө 16 настай, боловсрол муутай байв. Эхэндээ Михаилын эх Ксения Ивановна Шестовагийн хамаатан садан нь засгийн эрх мэдлийн хэргийг хяналтандаа авчээ. Тэд өөрсдийн хувийн ашиг сонирхолтой байсан ч тэдний удирдлага дор улс орон дэг журмыг сэргээж, бослогыг дарж, Шведтэй Столбовогийн гэрээ (1617), Польштой Деулиногийн эвлэрлийг (1618) байгуулж чаджээ.