Морис Бежар

Морис Бежар (франц. Maurice Béjart, жинхэнэ Морис-Жан Берже́ (франц. Maurice-Jean Berger), 1927 оны 1-р сарын 1-нд Марсель хотод төрсөн—2007 оны 11-р сарын 22-нд Лозаннд нас барсан) — францын балетын бүжигчин, бүжиг дэглээч, театр, дуурийн найруулагч, 20-р зууны хамгийн том бүжиг дэглээчдийн нэг.

Философич, соёл, боловсролын зүтгэлтэн Гастон Бержегийн (1896-1960) хүү юм. Тайзны нэрээ “Бежарт” гэж Мольерийн эхнэрийн овогийг авсан бөгөөд түүнд үлгэр дуурайл үзүүлсэн жүжгийн зохиолч (Бежарт түүнд "Le Molière imaginaire" жүжгээ зориулсан).

Намтар

Морис Бежар нь томоохон философич, соён гэгээрүүлэгч, боловсролын зүтгэлтэн Гастон Бержегийн (1896-1960) хүү юм. Түүнийг 7 настай байхад эх нь нас барсан байна.

Тэрээр Серж Лифарын (франц. Serge Lifar) бүтээлийг нөлөөн дор балетад өөрийгөө зориулахаар шийдсэн гэдэг. М.Бежар Оросын цагаач Ольга Преображенская, хатагтай Рузанна, Любовь Егорова, Вера Волкова нартай хамт Парист суралцжээ.

1951 онд Стокхольм хотод тэрээр Биргит Кульбергтэй хамтран анхны балетаа тавьжээ. 1954 онд тэрээр өөрийн бүжгийн компани болох "Ballet de l'Etoile"-г байгуулжээ.

1960 онд тэрээр Брюссельд "Ballet du XXe Siècle" хамтлагийг байгуулсан. 1970 онд тэрээр тус хамтлагийн дэргэд балетын сургууль-студи нээсэн байна. 1973 онд тэрээр исламын шийт урсгалын шашинд орсон юм.