Накамүра Хикарү

Накамүра Хикарү
тамирчны тухай
Төрсөн өдөр	12 сарын 9, 1987 (38 настай)
Төрсөн газар	Япон, Осака, Хираката
Улс, орон	Америкийн Нэгдсэн Улс
Тамир, спорт	шатар
Цол, зэрэг	их мастер (2003)
Оргил чансаа	2786 оноо (2012 оны X сар); Дэлхийн дугаар 5 (2013 оны XI сар)
	2013-10-10-ны байдлаар мэдээлэв.

Накамүра Хикарү (японоор 中村光, 19‍87 оны 12-р сарын 9-нд Осака мужийн Хираката хотод төрсөн) — АНУ-ын шатарчин, их мастер.

АНУ-ын шигшээ багийн гишүүний хувьд тэрээр 5 шатрын олимпод оролцож, багийн алтан медаль, хоёр хүрэл медаль хүртсэн.

2014 оны 5-р сард ФИДЕ-гийн шатрын албан ёсны рапид болон блиц үнэлгээг нийтэлж эхлэхэд Накамура хоёр жагсаалтад дэлхийд нэгдүгээрт бичигдэж байв. Тэрээр удаан хугацаанд 1-р байсан бөгөөд одоо шилдэг 5 хүний тоонд багтаж байна.

Намтар

Накамура Хикару 1987 оны 12-р сарын 9-нд Японы Хираката хотод сонгодог хөгжимчин байсан Америк ээ Каролин Мерроу, багш байсан япон эцэг Шуйчигийн гэр бүлд төрсөн. Хикару нь шатар тоглодог, ФИДЕ-ийн 2155 үнэлгээтэй Асука (1986 оны 2-р сарын 4-нд төрсөн) гэх ахтай.

Хикару хоёр настай байхад гэр бүл нь АНУ руу нүүж, 1990 онд эцэг эх нь салсан. Эх нь хожим нь Шри Ланкийн ФИДЕ-ийн мастер, Америкийн алдарт дасгалжуулагч Сунил Вирамантритай дахин гэрлэээд хожим 1992 оноос Хикару Накамурагийн дасгалжуулагч болсон байна.

Хикару Нью-Йорк мужийн Уайт Плэйнс хотод өссөн. Тэрээр 7 настайдаа хойд эцэг Сунил Вирамантригийн удирдлага дор шатар тоглож эхэлсэн. 1998 оны эхээр 10 нас 79 хоногтойдоо USCF-ийн хамгийн залуу мастер болсон.

1999 онд тэрээр жил бүр 13 нас хүрээгүй USCF-ийн үнэлгээтэй шилдэг тоглогчдод олгодог Лаура Асписын шагналыг хүртсэн.

2002 оны 7-р сард тэрээр Филадельфид болсон 30 дахь удаагийн Дэлхийн нээлттэй тэмцээнд 37-р байранд орсон.

2003 онд 15 нас 2 сар 19 хоногтойдоо тэрээр Их мастер цол хүртэж, 1958 онд Роберт Фишерийн тогтоосон АНУ-ын дээд амжилтыг (15 нас 6 сар 1 өдөр) гурван сарын зөрүүтэй эвдсэн юм.

Накамура 2011 оны турш Каспаровтой хамт бэлтгэл хийсэн.

Түүний Лондонд үзүүлсэн амжилт нь 2011 оны 1-р сард чансаагаараа шилдэг арван тоглогчийн тоонд албан ёсоор орох боломжийг олгосон. Тэрээр жагсаалтад багтаж, 2751 үнэлгээтэйгээр 10-р байранд орсон.

Зураг

2003 он
2008 он
2012 он