Нийгмийн яриа хэлэлцээр

Нийгмийн яриа хэлэлцээ (эсвэл нийгмийн тохиролцоо) нь хөдөлмөрийн холбоод, ажил олгогчдын байгууллагууд, засгийн газруудын хамтран зах зээл, татвар, эдийн засгийн бодлого зэрэг олон нийтийн бодлогыг боловсруулж, хөгжүүлэхэд оролцох үйл явц юм. Энэ нь барууны Европт нийтлэг хэрэглэгддэг арга хэмжээний нэг юм.

Эдгээр нь төрийн байгууллага болон нийгмийн түншүүд хоорондын шууд харилцаа байж болох ба зөвшилцөл, зөвлөлдөөн эсвэл зүгээр л мэдээлэл солилцох үйл явц байж болно. Үүнд ажил олгогчид, ажилчид, засгийн газрууд оролцож болох ба төрийн оролцоотой эсвэл оролцоогүйгээр хэрэгждэг. Энэ нь ажил олгогч, ажилчин, байгууллагууд эдийн засаг, нийгмийн зорилгодоо хүрэхэд чухал үүрэгтэй юм.

Нийгмийн яриа хэлэлцээний жишээ үйл ажиллагаанд дараах зүйлс орно: олон талт мэдээлэл солилцоо, нээлттэй хэлэлцүүлэг, зөвшилцөл (тасралтгүй гурван талт яриа хэлэлцээ), санал солилцоо болон хэлэлцээрийн гэрээ байгуулах (нийтлэг үзэл бодол).Европын нийгмийн яриа хэлэлцээ нь Европын Нийгэмлэгийг байгуулсан гэрээ (138, 139-р зүйлүүд; экс 118а ба 118б)-д тусгагдсан ба Европын комиссоос нийгмийн болон эдийн засгийн шинэчлэлийн хэрэгсэл болгон дэмжиж ажилладаг.