Никита (кино)
Никита́ (кино) (франц. Nikita) — Алдарт Люк Бессон зохиолыг бичиж найруулаад 1990 онд бүтээсэн Францын уран сайхны кино.
Дүрүүд
[засварлах | кодоор засварлах]| Жүжигчин | Дүр |
|---|---|
| Анн Парийо | Никита |
| Жан-Юг Англад | Марко |
| Чеки Карио | Боб |
| Жанна Моро | Аманда |
| Жан Рено | Виктор |
| Жак Буде | Химич |
| Филипп Леруа | Гросман |
| Жан Буиз | ЭСЯ-ны ажилтан |
Киноны агуулга
[засварлах | кодоор засварлах]Никита гэх охин хар тамхины бүлэглэлийн хамт бүлгийн гишүүдийн нэгнийх нь эцгийн эмийн санг дээрэмджээ. Зэвсэгт цагдаа нар хэргийн газарт ирсэн боловч хар тамхинд донтсон бүлгийнхэн ширүүн эсэргүүцэл үзүүлэх явцад Никита цагдаагийн нэг офицерыг хөнөөжээ. Шүүх хурал түүнд 30 жилийн хугацаанд эргэн харах эрхгүй бүх насаар нь хорих ял оноожээ. Шоронд түүнд тариа хийгээд ухаан алдуулжээ.
Никита танихгүй өрөөнд сэрдэг. Боб гэгч эр хүн бүрд тайвшруулах эм хэтрүүлэн хэрэглэснээс болж нас барж, оршуулагдсан гэж тайлбарладаг. Үнэндээ тэр DGSE (франц: Direction générale de la sécurité extérieure – Гадаад аюулгүй байдлын ерөнхий газар)-ийн удирддаг нууц сургалтын төвд байдаг. Тэрээр тус байгууллагад ажиллах эсвэл үнэхээр үхэх гэсэн хоёр сонголттой болжээ. Хэсэг эсэргүүцлийн дараа Никита саналыг хүлээн авдаг.
Никита тусгай агентаар бэлтгэл хийж, авьяас чадвар, урьдчилан таамаглах аргагүй онцлог байдлаараа багш нараа гайхашруулдаг. Сургалт дууссаны дараа Боб түүнийг тансаг ресторанд урьж, түүнд том калибрын гар буу, магазин бэлэглэдэг. Ресторанд зочлох нь түүний сургалтын төвийн төгсөлтийн шалгалт болж хувирдаг юм.
Шагнал
[засварлах | кодоор засварлах]Энэ кино нь Алтан бөмбөрцөг наадмын гадаад хэлээрх шилдэг киноны шагналыг хүртсэн. Парийо 1991 онд Шилдэг эмэгтэй дүрийн Сезар шагнал, мөн Шилдэг гадаад дүрийн эмэгтэй дүрийн Давид ди Донателло шагналыг хүртсэн.