Норвич их сургууль

Норвич Их Сургууль – Вермонтын Цэргийн Коллеж нь АНУ-ын Вермонт мужийн Нортфилд хотод байрладаг хувийн цэргийн чиглэлийн дээд сургууль юм. Энэхүү их сургууль нь 1819 онд Вермонт мужийн Норвич хотод “Америкийн Утга зохиол, Шинжлэх ухаан, Цэргийн Академи” нэртэйгээр байгуулагдсан. Энэ нь АНУ-ын зургаан цэргийн ахлах коллежийн хамгийн анхных бөгөөд АНУ-ын Батлан хамгаалах яамнаас “ROTC-ийн өлгий нутаг” буюу Нөөцийн офицер бэлтгэх корпусын (Reserve Officers' Training Corps – ROTC) эхлэл газар хэмээн хүлээн зөвшөөрөгдсөн. Норвич их сургуульд нийт 4,000 гаруй оюутан суралцдаг. Үүнээс 2,500 гаруй нь уламжлалт бакалаврын хөтөлбөрт хамрагддаг бол 1,500 гаруй нь онлайн сургалтын хөтөлбөрт суралцдаг. Онлайн оюутнуудын дунд 800 орчим магистрын, 700 гаруй нь бакалаврын зэргээ үргэлжлүүлж буй оюутнууд багтдаг. 2018 оны байдлаар тус сургуульд 162 үндсэн цагийн багш, 200 гаруй цагийн багш ажиллаж байжээ. Мөн тус онд 30 улсаас ирсэн 81 олон улсын оюутан, судлаач, солилцооны хөтөлбөрийн оролцогчид сурч байв. Кадетуудын хувьд цэргийн нөөцийн албанд зэрэгцэн хамт үйлчлэх боломжтой. Зарим оюутан ойролцоох Берлин хот дахь Вермонтын Үндэсний Гвардын хуаран дээр байрлах 3-р батальоны бүрэлдэхүүнд Вермонтын Үндэсний Гвард болон Вермонтын Мужийн Гвардад алба хаадаг.