Нью-Йорк ийн тэнгэсийн дээд сургууль

Нью-Йоркийн Тэнгисийн Дээд Сургууль (State University of New York Maritime College, SUNY Maritime College) нь Нью-Йорк хотын Бронкс дүүрэгт байрлах төрийн өмчийн тэнгисийн коллеж юм. Энэ нь Нью-Йоркийн төрийн их сургуулиудын (SUNY) системийн нэг хэсэг. 1874 онд байгуулагдсан бөгөөд арилжааны тэнгисийн сургалтыг санал болгосон АНУ-д анхны коллеж бөгөөд холбооны засгаас зөвшөөрөгдсөн өөрийн төрлийн анхны сургууль юм. АНУ-д нийт долоохон тэнгисийн боловсрол олгодог их сургууль байдгийн нэг нь энэ сургууль юм.

Коллежийн бакалаврын зэрэгтэй хөтөлбөрүүд нь АНУ-ын Худалдааны Тэнгисийн Офицерын мэргэжлийн лиценз авах бэлтгэлтэй хослуулан үзэж болно. Мөн тус сургууль олон улсын тээвэр, менежментийн чиглэлээр магистрын зэрэг болон хэд хэдэн мэргэжлийн сертификатын сургалтыг санал болгодог.

Ихэнх зэрэг олгох хөтөлбөрүүдийг АНУ-ын Худалдааны Тэнгисийн офицерын гуравдугаар туслах ахмад эсвэл гуравдугаар туслах инженерийн зэрэглэл авах бэлтгэлтэй зэрэгцүүлэн дүүргэх боломжтой. Нэмж хэлэхэд, SUNY Maritime College нь Нью-Йорк хотын бүс нутагт байрлах АНУ-ын Тэнгисийн Цэргийн болон Тэнгисийн Цэргийн Хуурай Замын Нөөцийн Офицеруудын Сургалтын (ROTC) цорын ганц хөтөлбөртэй бөгөөд энэ нь оюутнуудад АНУ-ын Тэнгисийн цэрэг болон Тэнгисийн явган цэргийн корпусын офицерын албан тушаалд бэлтгэдэг.