Нэрийн хуудас
Нэрийн хуудас -(англи. Business card or name card, япон.名刺 meishi) компани эсвэл хувь хүний талаархи холбоо барих мэдээллийг агуулсан авсаархан жижиг хуудас юм. Тэдгээрийг албан ёсны танилцуулгын үеэр эргэж санах ойд туслах зорилгоор солилцдог юм. Нэрийн хуудас нь ихэвчлэн өгөгчийн нэр, компани эсвэл бизнесийн холбоо (ихэвчлэн логотой) болон хаяг, утасны дугаар (ууд), факсын дугаар, и-мэйл хаяг, вэбсайт зэрэг холбоо барих мэдээллийг агуулдаг. Интернэтийг өргөнөөр ашиглахаас өмнө нэрийн хуудаснууд нь телексийн дэлгэрэнгүй мэдээллийг агуулдаг байсан. Одоо тэд Facebook, LinkedIn, Twitter зэрэг олон нийтийн мэдээллийн хэрэгслийн хаягуудыг багтааж болдог болсон. Уламжлал ёсоор олон нэрийн хуудсууд нь цагаан цаасан дээр энгийн хар бичээстэй байсан бөгөөд сийлбэртэй хавтан дээр хэвлэсэн картуудын өвөрмөц дүр төрх, мэдрэмж нь мэргэжлийн ур чадварын шинж тэмдэг болдог байв. 20-р зууны сүүлчээр технологийн дэвшил нь хэв маягийг өөрчлөхөд хүргэсэн бөгөөд өнөөдөр мэргэжлийн нэрийн хуудас нь дизайны нэг буюу хэд хэдэн талыг агуулсан байж болдог болсон.
Түүх
[засварлах | кодоор засварлах]Түүхэнд анх дурдсанаар бол нэрийн хуудас Эртний Хятадад буюу МЭӨ II-III зууны үед гарч ирсэн гэдэг. Хятадын эзэн хаан албан тушаалтнуудаасаа тусгай тогтоолоор улаан цаасан дээр нэр, албан тушаалаа бичсэн тусгай нэрийн хуудастай байхыг шаарддаг байв. Эдгээр нэрийн хуудас нь хязгаарлалт, гоо зүйн үлгэр жишээ болдог байжээ. Овог, нэр, албан тушаалаас бусад шаардлагагүй, зохисгүй мэдээлэл оруулдаггүй байсан.
Нэрийн хуудасны тухай түүхэнд анх дурдсан нь Францын 14-р Луи хааны үед байжээ. Францад гарч ирснээр нэрийн хуудас нь дээд давхаргын төлөөлөгчдийн хэрэгцээ, бэлгэдлийн шинж чанар, зайлшгүй дагалдах хэрэгсэл болсон байна. Зочны нэр бүхий тоглоомын хөзрийн дүр төрхтэй (иймээс нэрийн хуудасны нэр - Францын зочлох - зочны карт) нэрийн хуудас нь эзэндээ хамгийн сайн талаас нь танилцуулдаг байжээ. Нэрийн хуудас нь яваандаа ёслолын үйл ажиллагааны зайлшгүй нэг хэсэг болсон байна. Германы язгууртнууд Францын жишээг дагаж хэвлэмэл нэрийн хуудас 1786 оноос хэргэлдэг болсон юм. Хожим нь нэрийн хуудас бас дундаж давхаргын хэрэглээ болсон ч энгийн доод давхаргын ангиудад байдаггүй байв.
Зориулалт, хэмжээ
[засварлах | кодоор засварлах]Нэрийн хуудас нь 1. Хувийн, 2. Албан ажлын, 3. Байгууллагын гэсэн үндсэн 4 хэсэгт хуваагддаг байна.
Нэрийн хуудасны хэмжээ ойролцоо 90×50 мм буюу төлбөрийн картны 85,6×53,98 мм хэмжээтэй байдаг.
Нэрийн хуудсыг цаас, хуванцар, мод зэрэг зүйлээр хийдэг байна.