ОХУ-ын Батлан хамгаалах яам
.svg)
ОХУ-ын Батлан хамгаалах яам (орос. Министерство обороны Российской Федерации) Оросын Үндсэн хууль, Холбооны хууль, ОХУ-ын Ерөнхийлөгчийн болон ОХУ-ын Засгийн газрын актуудаар тогтоосон батлан хамгаалах салбарын төрийн бодлого, хууль эрх зүйн зохицуулалтыг боловсруулж хэрэгжүүлэх чиг үүргийг гүйцэтгэдэг Холбооны гүйцэтгэх засаглалын байгууллага, түүнчлэн ОХУ-ын Зэвсэгт хүчин болон ОХУ-ын Батлан хамгаалах яамны харьяа байгууллагуудын өмчийг удирдах, захиран зарцуулах чиглэлээр эрх бүхий холбооны гүйцэтгэх байгууллага юм.
Оросын Батлан хамгаалах яамыг 1992 оны 3-р сарын 16-нд ОХУ-ын Ерөнхийлөгчийн зарлигаар Орос улсад байрлаж байсан ЗХУ-ын Зэвсэгт хүчний хуучин бүтцийг үндсэн дээр байгуулсан юм. Энэ нь байлдааны галт зэвсэг болон бусад зэвсэг худалдан авах эрхтэй улсын цэрэгжсэн байгууллага гэж ангилагддаг.
Оросын Ерөнхийлөгчийн зарлигаар Оросын Батлан хамгаалах яамны бүрэлдэхүүнийг 10,540 хүнээс дээшгүй байхыг тогтоосон байна.
Түүх
[засварлах | кодоор засварлах]- 1992 оны 3-р сарын 16-нд Оросын Ерөнхийлөгч Борис Ельцины зарлигаар ЗХУ-ын Батлан хамгаалах яамны үндсэн дээр Оросын Холбооны Улсын Батлан хамгаалах яам байгуулагдсан.
- 1992 оны 7-р сарын 27-нд Оросын Батлан хамгаалах яамны бүтэц, дүрмийг баталсан.
- 1998 оны 11-р сарын 11-нд Оросын Ерөнхийлөгчийн зарлигаар Оросын Батлан хамгаалах яамны шинэ дүрмийг баталсан бөгөөд үүний дагуу Оросын Батлан хамгаалах яам нь Оросын Холбооны Улсын Зэвсэгт хүчний жанжин штабын хамт цэргийн төв командлалын байгууллага болсон.
- 2001 оны 3-р сард Сансрын цэргийн хүчин (орос. Космические войска) байгуулагдсан.
- 2010 оны 7-р сарын 4-нд Оросын Ерөнхийлөгч Дмитрий Медведев 4 үйл ажиллагааны стратегийн командлал байгуулах тухай зарлиг гаргасан. Зарлигаар 4 цэргийн тойрог байгуулагдсан: 1. Баруун цэргийн тойрог, 2. Өмнөд цэргийн тойрог; 3. Төв цэргийн тойрог, 4. Дорнод цэргийн тойрог. Улмаар Оросын Зэвсэгт хүчний шинэ дүр төрхийг бий болгож шинэчлэл хийсэн байна.
- 2015 оны 8-р сарын 1-нд Агаарын цэргийн хүчин (АЦХ) болон Агаарын довтолгооноос хамгаалах хүчин (АДХХ)-ийг нэгтгэсний үр дүнд Агаар-Сансрын хүчин (орос. Воздушно-космические силы) байгуулагдсан.
Үе үеийн сайд нар
- Кобец, Константин Иванович (1991 оны 8-р сараас — 9-р сар), Армийн генерал;
- Ельцин, Борис Николаевич (1992 оны 3-р сараас 5-р сар үүрэг гүйцэтгэгч);
- Грачёв, Павел Сергеевич (1992 оны 5-р сараас — 1996 оны 6-р сар, армийн генерал;
- Колесников, Михаил Петрович (1996 оны 6-р сараас 7-р сар) Армийн генерал;
- Родионов, Игорь Николаевич (1996 оны 7-р сараас — 1997 оны 5-р сар) Армийн генерал армии;
- Сергеев, Игорь Дмитриевич (1997 оны 5-р сараас —2001 оны 3-р сар) Оросын маршал;
- Иванов, Сергей Борисович (2001 оны 3-р сараас — 2007 оны 2-р сар) хурандаа генерал;
- Сердюков, Анатолий Эдуардович (2007 оны 2-р сараас — 2012 оны 11-р сар);
- Шойгу, Сергей Кужугетович (2012 оны 11-р — 2024 оны 5-р сар) Армийн генерал;
- Белоусов, Андрей Рэмович (2024 оны 5-р сарын 14-наас хойш).
Бүтэц, удирдлага
[засварлах | кодоор засварлах]Сайд
Белоусов Андрей Ремович — Оросын Холбооны Улсын Батлан хамгаалахын сайд, Оросын Холбооны Улсын жинхэнэ зөвлөх, 1-р зэрэглэл.
Нэгдүгээр орлогч сайд нар:
- Герасимов Валерий Васильевич — ОХУ-ын Зэвсэгт хүчний Жанжин штабын дарга, Армийн генерал.
- Горнин Леонид Владимирович — Оросын Холбооны Улсын жинхэнэ зөвлөх, 1-р зэрэглэл.
Орлогч сайд нар:
- Цивилева Анна Евгеньевна — ОХУ-ын төрийн нарийн бичгийн дарга, 3-р зэрэглэлийн жинхэнэ зөвлөх.
- Горемыкин Виктор Петрович — ОХУ-ын Зэвсэгт хүчний Цэргийн-улс төрийн ерөнхий газрын дарга, Армийн генерал.
- Савельев Олег Генрихович — ОХУ-ын Батлан хамгаалахын сайдын Ажлын албаны дарга, ОХУ-ын жинхэнэ зөвлөх, 1-р зэрэглэл.
- Юнус-Бек Баматгиреевич Евкуров — Армийн генерал.
- Криворучко Алексей Юрьевич — Оросын Холбооны Улсын жинхэнэ зөвлөх, 1-р зэрэглэл.
- Фрадков Павел Михайлович — Дэслэгч генерал.
- Александр Семенович Санчик- хурандаа генерал.
- Василий Сергеевич Осмаков, ОХУ-ын жинхэнэ зөвлөх, 1-р зэрэглэл.