Олимпын наадам

Чөлөөт нэвтэрхий толь — Википедиагаас
— «Олимпийн наадам» гээд холбогдов —
Харайх: Удирдах, Хайлт
Хамгийн сүүлд болсон олимпын наадмын тухай Бээжингийн олимп өгүүллээс уншина уу.
Олимпын таван цагаригийн загварыг 1913 онд гаргаж, дараагийн жилээс нь хэрэглэж эхэлжээ. Олимпын наадмын хэрэглээний хувьд анх 1920 оны Антверпений олимпоос хэрэглэжээ

Олимпын наадам нь зун баа өвлын спортуудад зориулж зохион байгуулагддаг олон улсын спортын их наадам юм. Түүхэнд хоёр төрлийн олимп байжээ. Эхнийх нь грекийн Олимпиад хийгдэж байсан эртний олимп (гре. Ολυμπιακοί Αγώνες; [Olympiakoi Agones]). Хоёр дахь нь 1896 онд Афинд анх зохион байгуулагдсан Орчин үеийн олимп юм.

Олон Улсын Олимпын Хороо (ОУОХ, International Olympic Committee, IOC) нь Пиер де Кубертэн гэгч Францын сурвалжит хүний санаачлагаар байгуулагджээ. Тэрбээр дэлхий даяарх сонирхогч тамирчдыг цуглуулж олон төрлийн спортоор өрсөлдүүлэх мөрөөдөлтэй байсан ажээ. Тэрхүү хороо нь одоо "Олимпын хөдөлгөөн" буюу наадмыг зохион байгуулахад оролцдог спортын холбоонуудын эрх барих байгууллага болжээ. Олимпын хөдөлгөөн томрох тусам Олимпын наадмын сүр хүч ихэссэн байна. Өнөө үед корпорациудын ивээн тэтгэлэг, спортын "династи" үүсгэх зорилготой улс төрийн дэглэмүүдийн доорх дарамтанд хөгжсөн Кубертэний "цэвэр сонирхогч тамирчны идеал" нь алдагдсан хэмээн үзэх нь ч бий.

Өнөө үед олимпод оролцогсод нь дэлхийн бараг бүх орныг төлөөлдөг хэмжээнд хүрчээ. Үүний үр дүнд улс төрийн бойкот, допинг, шүүгчдэд хахууль өгөх, алан хядах ажиллагаа зэрэг олон сөрөг нөлөө гарч байна. Хэдийгээр Олимпын хөдөлгөөн нь Кубертиний бодож ч үзээгүй асуудлуудтай тулгарч байгаа хэдий ч үүнтэй уялдуулж хөгжин өөрчлөгдөж байгаа. Эдгээрээс гадна 19-р зууны сүүлч, 20-р зууны эхэнд хэрэглэгдэж байсан зан үйл, бэлгэ тэмдэгүүдийг олимпод оролцуулдаг. Эдгээрийн ихэнх нь нээлтийн ба хаалтын ёслол, медаль гардуулах ёслолуудад хэрэглэгддэг. Өнөө үеийн олимп нь хэдийгээр ихэд өөрчлөгдөж ирсэн ч гэсэн одоо ч Citius Altius Fortius - Хурднаас хурдан, Өндөрөөс өндөр, Хүчтэйгээс хүчтэй буюу Олимпын уриа дээр төвлөрч байна.

Гадаад холбоос[засварлах | edit source]

Commons
Викимедиа дуу дүрсний сан: Olympic Games