Осорын Бат-Өлзий
Осорын Бат-Өлзий (1960 оны 4 сарын 26-нд төрсөн) - Монгол Улсын гавьяат жүжигчин (2016), найруулагч, дэлгэц, тайзны жүжигчин.
Намтар
[засварлах | кодоор засварлах]О.Бат-Өлзий нь Улаанхүүгийн Осор, О.Ариунгэрэл нарын 10 хүүхэдтэй айлд төрсөн. 1981 онд хугацаат цэргийн албанаас халагдаж ирээд, Улсын хүүхэд, залуучуудын театрт шалгалт өгч, дагалдан жүжигчнээр ажиллаж эхэлсэн байна.
Бүтээл
[засварлах | кодоор засварлах]Тоглосон
[засварлах | кодоор засварлах]- Гарын таван хуруу - Сүрэнгийн найз залуу (1982)
- Нандин эрдэнэ - Дамчаа (1986)
- Мөнх тэнгэрийн хүчин дор - Цагадай (1992)
- Догшин хутагтын сахиус - туслах дүр (1997)
- Салж чадахгүй хайр - зурагчин (1998)
- Хүрэлдэй их хааны элч - Мэргэнхүү
- Сая долларын олз - Галсан
- 37-р точка - Сэрээтэр
Найруулсан
[засварлах | кодоор засварлах]- Зүрхэнд шивнэсэн үг (2001)
- Ноён Солиот (2002)
- Уулын Төмөр (2004)
- Нар сарны зааг (2012)
- Маш нууц (2015)
- Маш нууц 2: Байтаг богд (2018)
- Буруу өрөг (2020)
- Цөвүүн цаг (2025)
Гэр бүл
[засварлах | кодоор засварлах]Том эгч нь О.Нарантуяа хүүхдийн хувцасны үйлдвэрт оёдолчин байсан. Удаах нь О.Сарантуяа СТА, БТА, хүндэт профессор СУИС-ийн төгөлдөр хуурын багш, гурав дахь нь О.Батцэнгэл төрийн дархан, морин хуурч, дөрөв дэх нь О.Нарангэрэл малчин, тав дахь нь О.Батсайхан балетчин, зургаа дахь нь О.Сарангэрэл эсгий урлалын мастер, долоо дахь нь О.Бат-Өлзий өөрөө, найм дахь нь О.Батгэрэл байлдааны онгоцны нисгэгч, ес дэх нь О.Түвшинтөгс хөгжмийн багш, арав дахь нь О.Түвшинжаргал хуульч мэргэжилтэй.
Эхнэр Самбуугийн Сарантуяа нь Монгол Улсын ардын жүжигчин цолтой. Хүү Бат-Өлзийн Тамир нь жүжигчин, найруулагч.