Павиагийн их сургууль
| Università di Pavia | |
 | |
| Латин: Alma Ticinensis Universitas | |
| Байгуулагдсан он | 1361 оны 4 сарын 13 |
|---|---|
| Төрөл | Улсын |
| Ректор | Франческо Свелто |
| Эрдэмтэн багш нар | 981 |
| Оюутан | 23849 |
| Бакалавр | 11983 |
| Аспирант | 9366 |
| Байршил | Павиа, Итали |
| Кампус | Хот |
| Өнгөнүүд | Гүн улаан |
| Affiliations | Coimbra Group, EUA, Netval |
| Цахим хаяг | unipv |
Павиагийн их сургууль (Итали: Università degli Studi di Pavia) нь Итали улсын Ломбард мужийн Павиа хотод байрладаг их сургууль юм. Анх 1361 оноос хичээл зааж байсан нотолгоо олдсон ба энэ нь түүнийг дэлхийн хамгийн эртний их сургуулиудын нэг болгодог. 19-р зууныг дуустал Милан болон Ломбардигийн өргөн бүс нутагт цорын ганц их сургууль байсан. 2022 онд Times Higher Education сэтгүүл уг сургуулийг Итали дахь шилдэг 10 их сургуулийн нэг, дэлхийн шилдэг 300 их сургуулийн тоонд багтсан хэмээн үнэлжээ. Одоогийн байдлаар тус сургууль 18 тэнхим, 9 салбартай. Тус сургуульд төв кампус байдаггүй ч хичээлийн байрууд нь хот даяар тархсан байдгаараа “хот кампус” хэмээх нэршил авсан байдаг. Павиагийн их сургуульд Италийн болон дэлхийн олон орноос ирсэн 20,000 гаруй оюутан суралцдаг.
Сургууль 80 гаруй бакалаврын хөтөлбөр, 40 гаруй магистрын хөтөлбөр, 20 орчим докторын хөтөлбөр (үүнээс 8 нь англи хэлээр) санал болгодог. Жил бүр 1,500 орчим олон улсын оюутан элсэн ордог. Павиагийн их сургууль хэд хэдэн соёл, шинжлэх ухааны музейтэй. Үүнд их сургуулийн түүхийн музей, ургамал зүй судлалын цэцэрлэг, судалгааны төвүүд, номын сангууд болон их сургуулийн хэвлэлийн газар багтдаг.[1]
Эх сурвалж
[засварлах | кодоор засварлах]- ↑ "A history of excellence". Department of Law (Англи хэлээр). 2021-12-02. Татаж авсан: 2025-06-18.