Печийн Их Сургууль

Печийн Их сургууль (унгар. Pécsi Tudományegyetem) — Унгарын ууган их сургууль бөгөөд тус улсын дээд боловсролын системд чухал үүрэгтэй, Печ хотод байрладаг дээд боловсролын байгууллага юм.

Унгарын анхны их сургууль бөгөөд Төв Европын хамгийн эртний их сургуулиудын нэг нь 1367 онд Печ хотод Анжугийн Их хаан I Луигийн үед Венийн Их Сургуулийн нэгэн адил Ромын Пап V Урбаны олгосон патентын үндсэн дээр байгуулагдсан. Үүний дараа хаагдсан бөгөөд орчин үеийн их сургууль зөвхөн 1921 онд дахин байгуулагдсан түүхтэй.

Бүтэц

Печийн Их Сургуулийн 10 факультет нь 25,000 гаруй оюутан, 2,000 орчим багш, эрдэм шинжилгээний ажилтантай, олон төрлийн сургалт, зэргийн хөтөлбөрүүдийг санал болгодог юм.

2006 оны 9-р сард Унгар улс Европын Холбооноос санаачилсан "Болонийн үйл явц" гэгддэг орчин үеийн дээд боловсролын системийг хэрэгжүүлж, оюутнуудад Европын динамик, дасан зохицох чадвартай дээд боловсролын системд суралцах боломжийг олгосон. Уламжлалт коллеж, их сургуулийн сургалтын хөтөлбөрийг бакалаврын хөтөлбөр (BA, BSc), магистрын хөтөлбөр (MA, MSc), докторын хөтөлбөр (PhD, DLA)-аас бүрдсэн гурван шатлалт системээр сольсон байна.

Дараах 10 факультетад мэргэжлийн сургалт явуулдаг:

1. Боловсрол ба хүний ​​нөөцийн хөгжлийн факультет
2. Бизнес ба эдийн засгийн факультет
3. Гюлагийн боловсролын факультет
4. Эрүүл мэндийн факультет
5. Хүмүүнлэг ба нийгмийн ухааны факультет
6. Хуулийн факультет
7. Анагаах ухааны факультет
8. Хөгжим ба дүрслэх урлагийн факультет
9. Байгалийн ухааны факультет
10. Механик инженерчлэл ба мэдээллийн шинжлэх ухааны факультет