Пунцагийн Сүхбат

Пунцагийн Сүхбат
Төрсөн өдөр1964 оны 8 сарын 27
Төрсөн газарМонгол улсын Налайх хот
Нас барсан нь2015 оны 3 сарын 29
(51 насласан)
Алдар цол
Төрийн цолМУ-ын гавьяат тамирчин
Бөхийн цолулсын гарьд
Дууддаг нутагБаянхонгор аймгийн
Баян-Овоо сум
Цол ахисан он жил
Улсын гарьд2003 он
Улсын заан1990 он
Улсын начин1988 он
Улсын наадмын барилдааны амжилт
Үзүүрлэсэн1 (1991)
Шөвгөрсөн9 (1988, 1989, 1990, 1991,
1992, 1993, 1994, 1997, 2001)
Бусад бөх барилдааны амжилт
Улс оронМонгол Монгол (БНМАУ)
Тамир, спортэрэгтэй чөлөөт бөх
2013-7-13-ны байдлаар мэдээлэв.

Пунцагийн Сүхбат (1964 оны 8-р сарын 27-нд Баянхонгор аймгийн Баян-Овоо суманд төрсөн -2015 оны 3-р сарын 29-нд нас барсан)- Монгол Улсын үндэсний бөхийн улсын гарьд, чөлөөт бөхийн дэлхийн аварга шалгаруулах тэмцээний хүрэл медальт бөх, Монгол улсын гавьяат тамирчин юм.

Намтар[засварлах | кодоор засварлах]

Эцэг Пунцаг нь Сүхбатыг гурван настай байхад нутгаасаа гарч Улаанбаатарын Налайх дүүрэгт шилжин ирснээр П.Сүхбат хүүхэд ахуй цагаа тэнд өнгөрөөжээ.

Налайхад биеийн тамирын дасгалжуулагчаар ажиллаж байсан Монгол улсын начин, гавьяат дасгалжуулагч Д.Адъяатөрмөрийн шавь болж чөлөөт бөхөөр хичээллэж их спортод амжилт гаргах эхлэл суурь нь тавигджээ.

Сүхбатын эцэг 14 дүгээр автобаазад жолооч ажилтай, эх Дашмаа нь цэргийн үйлдвэрт оёдолчин ажилтай, айлын найман хүүхдийн дөрөвдөх нь Сүхбат юм. Өөрөөр хэлбэл гурван ах, дөрвөн дүүтэй өнөр өтгөн айлын хүүхэд.

П.Сүхбат 1981 оны бөхийн чөлөөт барилдааны өсвөр үеийн улсын аварга шалгаруулах тэмцээнээс мөнгөн медаль авч, 1982 оны үндэсний бөхийн залуучуудын улсын аварга болж, улсын “Шандас” цол авсанаар бөх сонирхогчдын танил болжээ.

П.Сүхбат 1985 онд Сэлэнгэ аймгийн баяр наадамд барилдан тав давж аймгийн начин цол.

1986 оны Дорноговь аймгийн баяр наадамд барилдан түрүүлж аймгийн арслан цол авчээ.

П.Сүхбат 1987 оны улсын баяр наадамд анх удаа а/а цолтой барилдаж гурав давж дөрвийн даваанд у/н О.Балжиннямтай тунаж унажээ.

П.Сүхбат гарди баруун талтай, баруун хөлд барьцтай, барьцгүй орох, зүүн сугадаж мушгих, тонгорох, хутгах мэхийг даацтай хийдэг.

Амжилт[засварлах | кодоор засварлах]

Үндэсний бөх[засварлах | кодоор засварлах]

  • 1988 онд 6 давж улсын идэр начин цол хүртсэн,
  • 1989 онд 6 давж хурц шалмаг чимэг авсан,
  • 1990 онд 7 давж улсын заан болов,
  • 1991 онд 8 давж үзүүрлэсэн[1]
  • 1992 онд 7 давсан
  • 1993 онд 6 давсан
  • 1994 онд 6 давсан
  • 1997 онд 5 давсан
  • 2001 онд 5 давж, 9 дэх удаагаа шөвгөрсөн.
  • 2008, 2009, 2010, 2011 онуудын баяр наадамд хоёр давж а/а Д.Энхба.т, Ж.Чулуунбат, а/н Ц.Чимэддорж, а/а Б.Сумъяа нарт унасан.
  • 2012, 2013 оны улсын баяр наадамд нэг давж с/з Б.Жавхлан, Э.Нандин-Эрдэнэ нарт тус тус өвдөг шорооджээ.

Чөлөөт бөх[засварлах | кодоор засварлах]

Зүүлт, тайлбар[засварлах | кодоор засварлах]

  1. Улсын гарьд цол нь 2003 онд бий болсон бөгөөд П.Сүхбат 1991 оны наадамд 8 давж үзүүрлэсэн амжилтаараа уг цолыг хүртжээ