Радован Каражич
Радован Каражич (серб. Радован Караџић, босн. Radovan Karadžić; 1945 оны 6-р сарын 19-нд Югославын Холбооны Черногори улсын Петница хотод төрсөн) — Боснийн сербийн төрийн болон улс төрийн зүтгэлтэн, цэргийн гэмт хэрэгтэн. Боснийн дайны үед, 1992 оны 4-р сарын 7-ноос 1996 оны 7-р сарын 19-ний хооронд Бүгд Найрамдах Спрска Улсын Ерөнхийлөгч. 2016 онд хуучин Югославын асуудлаарх Олон улсын эрүүгийн шүүх Каражичийг геноцид, дайны гэмт хэрэг, хүн төрөлхтний эсрэг гэмт хэрэг үйлдсэн гэм буруутайд тооцож, 40 жилийн хорих ял оноосон. 2019 онд давж заалдах хүсэлтийн дагуу Радован Каражичид бүх насаар нь хорих ял оноожээ.
1995 оны 7-р сарын 25-нд НҮБ-аас хоёр жилийн өмнө байгуулсан Хуучин Югославын асуудлаарх Олон улсын эрүүгийн шүүхээс Радован Каражич, генерал Ратко Младич нарыг дайны гэмт хэрэг, тэр дундаа Боснийн лалын шашинтнууд болон хорват үндэстний эсрэг геноцид үйлдсэн хэрэгт буруутгааад дараа жил нь тэднийг баривчлах тушаал гаргажээ.
Хуучин Югославын асуудлаарх Олон улсын эрүүгийн шүүхээс Р.Каражичийг хаана байгаа талаар мэдээлэл өгсөн хүнд 5 сая ам.долларын шагнал амласан юм.
12 жилийн турш Каражич Олон улсын шүүхээс амжилттай зугтаж чадсан байна. 2008 оны 7-р сарын 21-ний орой (түүний өмгөөлөгч Светозар Вуячичийн хэлснээр, түүний үйлчлүүлэгчийг баривчлах ажиллагаа 7-р сарын 18-ны баасан гаргийн орой болсон) түүнийг Белградын автобуснаас баривчилж, Белград хотын Дайны гэмт хэргийн шүүхэд хүргэсэн. Улмаар 2008 оны 7-р сарын 30-нд Р.Каражичийг онгоцоор Хааг хот руу шилжүүлэн өгсөн.
Каражичийг шүүх хурал 2009 оны 11-р сард эхэлсэн ч шүүгдэгчийн хүсэлтээр шүүх хурал хэд хэдэн удаа хойшилсон. Сербийн удирдагч асан хэргийн материалтай танилцахад илүү хугацаа шаардсан. Бүгд найрамдах Сербскийн ерөнхийлөгч асан түүнийг дахин хойшлуулахаас татгалзсаны дараа шүүх хурал 2010 оны 4-р сарын 13-нд дахин эхэлсэн юм.
2016 оны 3-р сарын 24-нд Хуучин Югославын асуудлаарх Олон улсын эрүүгийн шүүх Радован Каражичийг 10 зүйл ангиар буруутгаж, 1992-1995 оны Боснийн дайны үеэр үйлдсэн дайны гэмт хэрэг, геноцидын хэргээр 40 жилийн хорих ял оноосон байна. Сүүлд 2019 онд давж заалдах хүсэлтийн дагуу шүүх Радован Каражичид бүх насаар нь хорих ял оноожээ.