Роберт Стефенсон
.jpg)
Роберт Стефенсон (англи. Robert Stephenson, 1803 оны 10 сарын 16-нд төрсөн – 1859 оны 10 сарын 12-нд нас барсан) -Английн барилгын инженер, төмөр замын зүтгүүр зохион бүтээгч. Тэрээр алдарт "Төмөр замын эцэг" гэгддэг инженер Жорж Стефенсоны цорын ганц хүү байсан юм. Роберт өөрийн эсвэл эцэг Жорж Стефенсонтойгоо хамтран хийсэн олон ололт амжилтыг /Зүтгүүр №1, пуужин, Стефенсоны үйлдвэр / эцэг нь дангаараа хийсэн гэж буруу ташаа ойлгон тайлбарладаг.
Намтар
[засварлах | кодоор засварлах]Роберт Стефенсон 1803 оны 10-р сарын 16-нд Ньюкасл-апон-Тайнаас зүүн зүгт орших Виллингтон Куэйд Жорж Стефенсон, Фрэнси (төрөхдөө Хендерсон) нарын гэр бүлд төржээ. Эх Фанни нь эцэг Жоржоос 12 насаар эгч байсан бөгөөд тэд Жоржийн гэрт үйлчлэгчээр ажиллаж байжээ. Роберт Ньюкасл дахь Утга зохиол, гүн ухааны нийгэмлэгийн гишүүн болж, өөртөө болон эцэгтээ ном зээлж уншдаг байсан гэдэг. Орой нь тэрээр эцэгтэйгээ уурын хөдөлгүүрийн загвар судалдаг байжээ. 1816 онд тэд хамтдаа нарны цаг хийсэн бөгөөд энэ нь зуслангийн байшингийн хаалган дээр өлгөөтэй байдаг юм.
1814 онд эцэг Жорж Стивенсон анхны уурын зүтгүүр болох "Блюхер"-ийг бүтээсэн бөгөөд амжилт нь түүнд 12 настай Робертыг Ньюкасл дахь Перси гудамжинд байрлах Доктор Брюсийн хувийн академид шилжүүлэх боломжийг олгосон бөгөөд тэнд нь чинээлэг оюутнууд суралцдаг байв. 1819 онд сургуулиа төгсөөд Стефенсон уул уурхайн инженер Николас Вуд, Килингворт нүүрсний уурхайн менежерийн дагалдан ажилд орсон. Дагалдан суралцагч Р.Стефенсон шаргуу хөдөлмөрлөж, даруухан амьдардаг байсан бөгөөд луужин худалдаж авах боломжгүй байсан тул өөрөө луужин хийж дараа нь Ньюкасл дахь Өндөр түвшний гүүрийг судлахад ашиглаж байжээ.
1825 онд Роберт гэрээний дагуу Өмнөд Америкийн Колумби руу нүүж, мөнгөний уурхайг хөгжүүлдэг компанид инженерээр ажиллахаар болжээ.
1828 онд Робертийг аав нь Англи руу дуудсан. Энэ үед Ливерпүүл-Манчестер чиглэлийн төмөр замын барилгын ажил дуусч, Rainhill Races-ийн бэлтгэл ажил эхэлсэн байна. Үйлдвэрийг сэргээхэд Жорж хүүгийнхээ тусламж хэрэгтэй байв. Тэр үед үйлдвэр бараг зогсч, туршлагатай ажилчид ажлаасаа гарсан байв. Роберт үйлдвэрийг сэргээж эхэлсэн бөгөөд дараа жил нь хэд хэдэн уурын зүтгүүрийг нэгэн зэрэг үйлдвэрлэн гаргасан байна.
1831 онд Роберт Лондон-Бирмингемийн төмөр замын зураг төслийг боловсруулахад оролцож, 1833 онд барилгын ерөнхий инженер болжээ. Зам нь хүнд нөхцөлд баригдсан бөгөөд барилгын ажлын явцад Роберт аавдаа байнга ханддаг байв. Үүнээс гадна, дууссан маршрутын үнэ анхны тооцооллоос давж, 5.5 сая фунт стерлинг болжээ. Гэсэн хэдий ч 1838 оны 9-р сард ашиглалтад орсноор уг зам тухайн жилийн эцэс гэхэд л 0.5 сая фунт стерлингийн ашиг авчирчээ. 1838 онд Роберт өөрөө Италид өөр төмөр зам барих ажлыг удирдаж эхлэв.
1844 он гэхэд Роберт Стефенсон 33 төмөр замын төслийг боловсруулахад шууд оролцсон байдаг юм.