Робин Гибб

Сэр Робин Хью Гибб (1949 оны 12-р сарын 22-нд Дуглас, Мэн арал төрсөн– 2012 оны 5-р сарын 20-нд Лондонд нас барсан) -Их Британийн дуучин, ая зохиогч бөгөөд ихэр Морис, ах Барри нартайгаа хамтран Bee Gees хамтлагт байгуулсан гэдгээрээ алдартай. Тус хамтлагийн дэлхий даяарх цомгийн борлуулалт зуун сая хувь давсан нь тэднийг хөгжмийн түүхэн дэх хамгийн амжилттай хамтлагуудын нэг болгосон юм.

Намтар

Тэрээр Их Британид төрсөн бөгөөд Морис Гиббийн ихэр өрөөсөн юм (Морис 35 минутын дараа төрсөн). Тэднийг төрсний дараахан эцэг эх Хью, Барбара Гибб (төрсөн нэр нь Пасс) нар Манчестер руу нүүжээ. 1958 оны сүүлээр гэр бүл нь Австралийн Брисбэн рүү нүүсэн тул Робин (түүний хоёр ах Барри, Морис нарын адил) хөгжмийн карьераа Австралид эхлүүлэх шаардлагатай болсон. Тэнд тэд алдар нэрд хүрч, дараа нь Их Британи руу буцаж ирээд хөгжмийн карьераа төрсөн эх орондоо үргэлжлүүлжээ. 1960-аад оны сүүлээр амжилтын давалгаанд автсан Робин хамтлагаасаа гарч, бие даасан карьераа үргэлжлүүлэхээр шийджээ. Гэсэн хэдий ч түүний гаргасан цомог амжилттай болоогүй тул 18 сарын дараа хамтлагтаа эргэн орсон байна.

2010 оны 8-р сард Робин Гибб яаралтай эмнэлэгт хэвтэж, гэдэсний бөглөрөл үүсгэж байсан хавдрыг авах мэс засалд орсон (түүний ихэр ах Морис 2003 оны 1-р сард үүнтэй төстэй нөхцөл байдалд нас барсан). 2011 оны 10-р сард түүнийг дахин яаралтай эмнэлэгт хэвтүүлсэн. 2011 оны 11-р сарын 20-нд Гибб элэгний хорт хавдартай болсон гэж зарласан.