Сидней нисэх буудал

Сидней Кингсфорд Смит нисэх буудал (IATA: SYD, ICAO: YSSY) - нийтлэг нэрээр Маскот нисэх буудал, Кингсфорд Смит нисэх буудал эсвэл Сидней нисэх буудал гэж нэрлэгддэг бөгөөд Сидней, Нью Саут Уэльс, Австралийн олон улсын нисэх буудал юм. Энэ нь Сиднейгийн төвөөс 8 км (5.0 миль) өмнө байрлах Маскот хороололд байрладаг. Нисэх буудал нь Сиднейн үндсэн нисэх буудал бөгөөд Qantas Airways компанийн үндсэн хаб, Virgin Australia болон Jetstar компанийн хоёрдогч хаб, мөн Rex Airlines компанийн төв болж байна. Нисэх буудал нь Ботани булангийн хажууд байрладаг бөгөөд онгоцны гурван зурвастай ажээ. Сидней нисэх буудал нь 907 гектар (2,241 акр) газар эзэлдэг.

Сидней нисэх буудал нь дэлхийн хамгийн урт хугацаанд тасралтгүй ажиллаж байгаа худалдааны нисэх буудлуудын нэг бөгөөд Австралид хамгийн их зорчигч хүлээн авах хүчин чадалтай нисэх буудал юм. 2016-2017 онд энэ нисэх буудал 42.6 сая зорчигч болон 348,904 нисэх онгоцны хөдөлгөөн хүлээн авсан. 2016 онд дэлхий даяар хамгийн их зорчигч хүлээн авсан нисэх буудлуудын 38-р байранд орсон. Одоо Сиднейд 46 дотоод болон 43 олон улсын чиглэлд шууд нислэг үйлдэгддэг.

2018 онд тус нисэх онгоцны буудал нь жилд 40-50 сая зорчигчийг хүлээн авдаг нисэх онгоцны буудлуудын дунд дэлхийд тавдугаарт үнэлэгдэж, Skytrax World Airport Awards шагнал гардуулах ёслолоор дэлхийн шилдэг 20 нисэх онгоцны буудлын тоонд орсон.