Станислав Гожиньски

Чөлөөт нэвтэрхий толь — Википедиагаас
Jump to navigation Jump to search

Станислав Гожиньски (пол. Stanisław Godziński - 1939 оны 8 дугаар сарын 22-нд Польшийн Шлёск мужийн Певли Виелькэй тосгонд төрсөн) Польшийн монголч эрдэмтэн, төвөд судлаач.

1991–1995 онуудад Бүгд Найрамдах Польш Улсаас Монгол Улсад суугаа Элчин сайд, Варшавын Их сургуулийн профессор.

1962 онд Варшавын их сургуулийг төгсөж, Станислав Калужиньскийн удирдлага дор "Орчин үеийн монгол хэл" сэдвээр магистрын диссертаци хамгаалсан.

1962 оноос тэрбээр сургуулийнхаа эрдэм шинжилгээний туслах ажилтан (1962–1965), ахлах ажилтан (1965–1971) зэрэг албан тушаалыг хашиж байжээ.

1970 онд Станислав Калужиньскийн удирдлага дор бичсэн "Орчин цагийн монгол хэлээрх нэрний дагавар" хэмээх докторын диссертацийг хамгаалж, 1971 оноос эхлэн өөрийн эрдэм шинжилгээний сургуульд туслах профессороор ажиллаж байжээ. 1984 онд "Дундад монгол хэл: үг үүсэлт, үгийн хувиргалт, синтакс" хэмээх бүтээлийн үндсэн дээр 1986 онд дэд профессороор томилогдсон байна.

1991–1995 онд Польш Улсаас Монгол Улсад суугаа Элчин сайд, 1997–2004 онд Варшавын Их Сургуулийн Турк судлал ба Төв Азийн ард түмний тэнхимийн эрхлэгч, 1999 онд Варшавын Их Сургуулийн профессороор томилогдсон.

Тэрээр олон алдартай шинжлэх ухаан, тусгай нийтлэлүүдийн зохиогч юм

Бүтээл:[засварлах | edit source]

  • Współczesny język mongolski. (Орчин цагийн монгол хэл) Warszawa, 1998.

Шагнал[засварлах | edit source]

  • Монгол Улсын ШУА-ийн Хубилай хааны медаль хүртсэн.
  • Монгол Улсын Их сургуулийн "Хүндэт Доктор".