Пүрэвдоржийн Сэрдамба

Пүрэвдоржийн Сэрдамба Эрэгтэйчүүдийн Бокс Төлөөлдөг улс: Монгол Улс Монгол Улс Хувийн мэдээлэл Бүтэн нэр Пүрэвдоржийн Сэрдамба Төрсөн огноо 1985.04.18 Төрсөн газар Монгол улс, Улаанбаатар

Медалиуд Зуны олимп Мөнгө Бээжин 2008 -48 кг Дэлхийн Аварга Шалгаруулах Тэмцээн Алт Милан 2009 -48 кг

Пүрэвдоржийн Сэрдамба 1985 оны 4-р сарын 18-нд Улаанбаатар хотод төрсөн. Нийслэлийн 57 дугаар дунд сургуулийг төгссөн. Аав ээж, эгчийн хамт амьдардаг. Боксын спортоор 2000 оноос эхлэн хичээллэсэн. Үндэсний шигшээ багийн тамирчин. Тэмцээнд 48 кг, 51 кг-ын жингүүдэд тоглодог. Монгол Улсын Гавъяат тамирчин, Хөдөлмөрийн баатар цолтой. 2008 онд Бээжингийн олимпоос -48 кг жинд мөнгөн медаль, 2009 онд Италийн Милан хотод зохиогдсон Сонирхогчдын боксын дэлхийн аварга шалгаруулах тэмцээнээс алтан медаль тус тус хүртсэн.

Амжилтын товчоон

• 2009 онд Монголын түүхэнд анх удаа Сонирхогчдын Боксын Дэлхийн Аварга Шалгаруулах Тэмцээнээс аварга болсон
• 2008 онд Олимпод анх удаагаа оролцож Монголын түүхэнд анх удаа Боксын төрлөөр Олимпийн мөнгөн медаль хүртсэн
• 2007 оны Ази тивийн аварга
• Германы Халле хотод болдог Химийн цом тэмцээн, БНАСАУ-ын Пхеньян хотод болдог олон улсын тэмцээнүүдийн мөнгөн медальтай. Улсын аварга.
• Олимпийн эрх авсан тэмцээн: Казахстан улсын Астана хотод болсон Олимпийн эрх олгох олон улсын тэмцээний 48 кг-ын жинд мөнгөн медаль хүртэж, Бээжин-2008 Олимпийн эрх авсан.

Мөн үзэх

• Олимпийн медальт монголчууд