1904 он

1902 | 1903 | 1904 | 1905 | 1906

Энэ онд болсон үйл явдлууд

Нэгдүгээр сар

• Нэгдүгээр сарын 7 - Далайд гарсан далайчид тусламж дуудах код CQD морзын кодыг бий болгов. Ердөө хоёр жилийн дараа энэ код SOS болсон билээ.
• Нэгдүгээр сарын 12 - Хенри Фордын зохион бүтээсэн шинэ автомашин газар дээрх дээд хурдыг 147.05 км/ц болгож шинэчлэн тогтоов.
• Нэгдүгээр сарын 16 - Нью-Йорк хотын Медисон Скүэр Гарденд олон нийтийг хамарсан бодибилдингийн нээлттэй тэмцээн зохиогдов.
• Нэгдүгээр сарын 25 - Халфорд Макиндер "Газарзүйн байршил түүхэнд хэрхэн нөлөөлсөн бэ" нэртэй эрдэм шинжилгээний бүтээлийг Эзэн хааны газарзүйн нийгэмлэгт илгээснээр Геополитикийн эхлэлийг тавив.

Хоёрдугаар сар

• Хоёрдугаар сарын 7 - АНУ-ын Мерилэнд мужийн Балтимор хотод их түймэр дэгдэж, 30 цагийн дотор 1500 барилга бүрэн шатжээ.
• Хоёрдугаар сарын 8-9 - Лүшүний тулаан: Японы тэнгисийн цэрэг Манжуурын Лүшүн боомт рүү гэнэтийн халдлага хийж, Орос-Японы дайн дэгдэв.
• Хоёрдугаар сарын 17 - АНУ-Японы харилцаан дээр тулгуурласан "Эрвээхэй хатагтай" дууриа Миланы Ла Скала театрт анх удаа тавив.
• Хоёрдугаар сарын 23 - АНУ-ын тал Панамын сувагт хяналтаа тогтоохын тулд 10 сая ам.доллар гаргахаар болжээ.
• Хоёрдугаар сарын 28 - Португалийн хамгийн алдартай хөлбөмбөгийн баг болох Бенфика нийслэл Лисабон хотноо байгуулагдав.

Гуравдугаар сар

• Гуравдугаар сарын 3 - Германы эзэнт гүрний хаан II Вилгельм улстөрийн илтгэлээ төхөөрөмжинд бичүүлсэн анхны хүн болжээ. Тэрээр "Эдисоны цилиндр"-т өөрийн илтгэлээ бичүүлсэн байна.
• Гуравдугаар сарын 4 - Орос-Японы дайн: Японы арми Манжуурт 100 мянган цэрэг илгээсний дараа Орос-Солонгостой хамтарч Манжуурт цэргийн хүчээ нэмэгдүүлжээ.
• Гуравдугаар сарын 26 - Хятад ажилчдыг Өмнөд Африкад гэрээгээр ажиллуулах шийдвэр гаргасан Британийн парламентийг эсэргүүцсэн иргэд Хайд цэцэрлэгт эсэргүүцлийн жагсаал зохион байгуулав. Жагсаалд 80 мянган хүн оролцжээ.
• Гуравдугаар сарын 31 - Төвд рүү аялах Британийн экспедиц: Британийн цэргийн ангийг удирдаж явсан Френцис Янгхасбенд Төвдийн цэргийн ядмагхан хүчийг бут цохив.

Дөрөвдүгээр сар

• Дөрөвдүгээр сарын 8 - Нью-Йоркын дундад дүүрэгт орших Лонгакрын талбайг Таймс Скүер хэмээн нэрлэхээр болжээ.
• Дөрөвдүгээр сарын 19 - Торонтогын их түймэр хотын төвд дэгдэв. Түймрийн улмаас томоохон хэмжээний хохирол гараагүй юм.
• Дөрөвдүгээр сарын 27 - Австралийн хөдөлмөрийн нам анх удаагаа засгийн газарт багтаж ажиллахаар болов.
• Дөрөвдүгээр сарын 30 - АНУ-ын Миссури мужийн Сейнт Льюс хотод Луйзанагын олон улсын үзэсгэлэн нээлтээ хийв.

Тавдугаар сар

• Тавдугаар сарын 4 - АНУ-ын арми Панамын суваг барих ажлыг эхлүүлжээ.
  • Германы хөлбөмбөгийн Шальке 04 баг байгуулагджээ.
• Тавдугаар сарын 5 - Төвд рүү аялах Британийн экспедиц: Чанглод байрлаж байсан Британийн цэргийн түр бааз руу Төвдүүд гэнэт довтолж, 200 гаруй хүн амь үрэгдэн, Британийн тал зэр зэвсгээрээ ихээхэн хохирол амсав.
• Тавдугаар сарын 15 - Орос-Японы дайн: Лүшүн боомтоос 15 км-ын урд Оросын бөмбөгдөгч "Амур" онгоц Японы "Яшима" онгоцыг бут ниргэж, хөлгийн багийн 496 хүн бүгд амь үрэгдэв.
• Тавдугаар сарын 21 - Олон улсын хөлбөмбөгийн холбоо албан ёсоор байгуулагдлаа.

Зургаагаас Долоодугаар сар

• Зургаадугаар сарын 10 - Ирландын алдарт зохиолч Жеймс Жойс өөрийн ирээдүйн эхнэр Нора Барнаклтай нэгэн уулзалт дээр танилцжээ.
• Зургаадугаар сарын 17 - Финляндын ерөнхийлөн захирагч Николай Бобриковт Южен Шауманн гэгч халдаж, амийг нь бүрэлгэв.
• Зургаадугаар сарын 28 - Оросын Казань хотын гол бэлгэ тэмдэг болсон Ариун эх дагины сэрэг дүрийг хулгайлж, сүйтгэсэн хэрэг гарчээ.
• Долоодугаар сарын 1 - Орчин үеийн гурав дахь, 20-р зууны анхны олимп АНУ-ын Миссури мужийн Сейнт Льюс хотноо албан ёсоор эхэллээ.

Наймдугаар сар

• Наймдугаар сарын 3 - Төвд рүү аялах Британийн экспедиц: Хурандаа Френцис Янгхасбендаар удирдуулсан Британийн цэрэг Төвдийн Лхас хотыг эзлэв.
• Наймдугаар сарын 14 - Боливи улсын ерөнхийлөгчөөр Исмаел Монтес сонгогдов.
• Наймдугаар сарын 17 - Орос-Японы дайн: Лүшүн боомтыг эзлэх гэсэн Япончуудын ажиллагаа бүтэлгүйтэв.
• Наймдугаар сарын 18 - Австралийн ерөнхий сайд Крис Уатсон өөрийн хүсэлтээр ажлаа өгөв. Түүний орыг Жорж Рийд залгасан юм.

Есдүгээр сар

• Есдүгээр сарын 7 - Төвдийн шашны тэргүүн Далай лам хурандаа Френцис Янгхасбендтай Англи-Төвдийн гэрээг байгуулж, гарын үсэг зуржээ.
• Есдүгээр сарын 25 - Исүс Христийн хожмын үеийн гэгээнтнүүдийн сүмийн тэргүүн Жозеф Смит олон эхнэртэй байх явдлыг эсэргүүцсэн номлол гаргажээ.
• Есдүгээр сарын 26 - Шинэ Зеланд улс Загас агнуурын тухай хуулийг баталлаа.

Аравдугаар сар

• Аравдугаар сарын 1 - Корнеллийн анагаах ухааны их сургуульд эмч нарын нууц бүлгэм болох "Фи Дельта Эпсилон" байгуулагдав.
• Аравдугаар сарын 5 - Нью-Йоркын их сургуулийн эдийн засгийн нууц бүлгэм болох "Альфа Каппа Пси" байгуулагдав.
• Аравдугаар сарын 9 - Германы сэтгүүлч Анна Рюллинг "Шинжлэх ухаанч хүмүүнлэгийн зөвлөл"-ийн хуралд ижил хүйстнүүдийн эрхийг хамгаалах талаар үг хэлэв.
• Аравдугаар сарын 15 - Миннесотагийн их сургуульд инженерийн нууц бүлгэм болох "Тета Тау" бүлэглэл байгуулагдав.
• Аравдугаар сарын 19 - Филиппин улсад политехникийн их сургууль байгуулагдав.
• Аравдугаар сарын 21 - Орос-Японы дайн: Оросын Балтын тэнгисийн цэрэг Хойд Тэнгист байх Японы бөмбөгдөгч онгоцуудыг сөнөөв.
• Аравдугаар сарын 27 - Нью-Йорк хотын метро үүдээ нээжээ.
• Аравдугаар сарын 28 - Панам-Уругвайн хооронд дипломат харилцааны эхлэл тавигджээ.

Арваннэгдүгээр сар

• Арваннэгдүгээр сарын 8 - АНУ-ын ерөнхийлөгчийн сонгуульд Бүгд найрамдах намаас нэр дэвшсэн Теодор Рүүзвельт, Ардчилсан намаас нэр дэвшсэн Алтон Б.Паркерийг ялав.
• Арваннэгдүгээр сарын 24 - Дэлхийн хамгийн анхны мөс зүсэгч онгоц бүтээгдэв.

Арванхоёрдугаар сар

• Арванхоёрдугаар сарын 3 - Одон оронч Чарльз Диллон Перрин Бархасбадь гарагын хамгийн том дагуул болох Хималиаг нээв.
• Арванхоёрдугаар сарын 4 - Данийн Консерватив залуучуудын холбоог Карл ф.Херманн үүсгэн байгуулав.
• Арванхоёрдугаар сарын 10 - Чарльзтоны коллежийн нууц бүлгэм болох "Пи Каппа Фи" байгуулагдав.
• Арванхоёрдугаар сарын 27 - Петер Пэн Лондон хотны театрт анх удаа тоглогджээ.
• Арванхоёрдугаар сарын 31 - Нью-Йорк хотын Таймс Скүерийн талбайд нийтээрээ шинэ жилээ угтах ёслол анх удаагаа зохион байгуулагдлаа.

Цаг хугацаа нь тодорхойгүй

• Нью-Йорк хотод Стайвесантын ахлах сургууль үүдээ нээв.
• Алкохол нь зүрхний шигдээст хүргэдэг эсэхийг анх удаа судалжээ.

Энэ онд төрөгсөд

Нэгээс Хоёдугаар сар

• Нэгдүгээр сарын 10 - Америкийн тайз дэлгэцийн алдарт жүжигчин Рей Болгер (1987 онд нас барсан)
• Нэгдүгээр сарын 18 - Английн алдарт жүжигчин Гари Грант (1986 онд нас барсан)
• Нэгдүгээр сарын 26 - Нобелийн энхтайвны шагналт, Ирландын улстөрч Шон МакБрайд (1988 онд нас барсан)
• Хоёрдугаар сарын 11 - Шинэ Зеландын 26 дахь ерөнхий сайд Сир Кейт Холяк (1983 онд нас барсан)
• Хоёрдугаар сарын 20 - ЗХУ-ын Сайд нарын зөвлөлийн дарга Алексей Косыгин (1980 онд нас барсан)

Гураваас Дөрөвдүгээр сар

• Гуравдугаар сарын 2 - Америкийн хүүхдийн зохиолч Др.Сьюсс (1991 онд нас барсан)
• Гуравдугаар сарын 5 - Бүгд найрамдах Хятад улсын Батлан хамгаалахын сайд Мау Пан Цү (1987 онд нас барсан)
• Гуравдугаар сарын 26 - Грекийн ерөнхий сайд Зенофон Золотас (2004 онд нас барсан)
• Дөрөвдүгээр сарын 6 - Баруун Германы канцелор Курт Георг Кайсингер (1988 онд нас барсан)
• Дөрөвдүгээр сарын 8 - Нобелийн шагналт Английн эдийн засагч Жон Хикс (1989 онд нас барсан)
• Дөрөвдүгээр сарын 22 - Америкийн физикч Ж.Роберт Оппенхаймер (1967 онд нас барсан)

Таваас Зургаадугаар сар

• Тавдугаар сарын 6 - Нобелийн шагналт Шведийн зохиолч Харри Мартинсон (1978 онд нас барсан)
• Тавдугаар сарын 11 - Испанийн нэрт уран бүтээлч, зураач Сальвадор Дали (1989 онд нас барсан)
• Тавдугаар сарын 21 - Америкийн нэрт найруулагч, жүжигчин Роберт Монтгомери (1981 онд нас барсан)
• Зургаадугаар сарын 2 - Тарзаны дүрээрээ олонд танигдсан, усанд сэлэгч Жонни Вайсмюллер (1984 онд нас барсан)
• Зургаадугаар сарын 7 - Аргентин улсын яруу найрагч Франциско Лопез Мерино (1928 онд нас барсан)
• Долоодугаар сарын 2 - Францын теннисч, бизнесмэн Рене Лакост (1996 онд нас барсан)
• Долоодугаар сарын 12 - Нобелийн шагналт Чилийн яруу найрагч Пабло Неруда (1973 онд нас барсан)
• Долоодугаар сарын 24 - ЗХУ-ын Тэнгисийн цэргийн адмирал Николай Герасимович Кузнецов (1974 онд нас барсан)
• Долоодугаар сарын 28 - Нобелийн шагналт ЗХУ-ын физикч Павель Черенков (1990 онд нас барсан)

Наймаас Есдүгээр сар

• Наймдугаар сарын 3 - Мексикийн алдарт жүжигчин Долорес дел Рио (1983 онд нас барсан)
• Наймдугаар сарын 7 - Нобелийн энхтайвны шагналт Америкийн дипломатч Ральф Бунч (1971 онд нас барсан)
• Наймдугаар сарын 12 - Оросын эзэнт гүрний хунтайж Алексей Николайевич (1918 онд нас барсан)
• Наймдугаар сарын 16 - Нобелийн шагналт Америкийн химич Вендэлл Мередит Стенли (1971 онд нас барсан)
• Наймдугаар сарын 22 - БНХАУ-ын дарга Ден Сиаопинг (1997 онд нас барсан)
• Есдүгээр сарын 15 - Италийн сүүлчийн эзэн хаан II Умберто (1983 онд нас барсан)
• Есдүгээр сарын 29 - Английн нэрт жүжигчин Грийр Гарсан (1996 онд нас барсан)

Гадаад холбоос

 Commons: 1904 – Викимедиа зураг, бичлэг, дууны сан