Флоренцийн Бүгд найрамдах улс

Флоренцийн Бүгд найрамдах улс (лат. Respublica Florentina, итал. Repubblica fiorentina. англи. Republic of Florence ) — Умард Италид 1115—1185 онууд болон 1197—1532 онуудад тусгаар тогтносон улс байв.

Флоренц, 1548 он

Флоренц хотод бие даасан коммун хэлбэрээр өргөн уудам газар нутгийг хянадаг Тосканы Матилда нас барсны дараа Флоренцийн ард түмэн Тосканы Маргравиатын эсрэг бослого гаргаснаар тус Бүгд найрамдах улс 1115 онд үүссэн. Дундад зууны үеийн Италийн улс төрийн тогтолцоонд гол үүрэг гүйцэтгэж байсан юм.

Бүгд найрамдах улсын түүхийн туршид Флоренц нь Европын соёл, эдийн засаг, улс төр, урлагийн чухал хүчин байв. Энэ үеийн зоос болох флорин нь Баруун Европын томоохон хэмжээний гүйлгээний гол худалдааны зоос байсан бөгөөд Европ тив даяар өргөнөөр дуурайлган гүйлгээ хийдэг байжээ.

Флорин хэмээх Флоренцийн зоос

Флоренцийн Бүгд найрамдах улс нь ганц хүний ​​эрх мэдэлд байхаас урьдчилан сэргийлэх, төрийн байгууллагыг байгуулахад иргэдийн өргөн оролцоонд суурилсан цогц засаглалын тогтолцоог бий болгосон байна.

13, 14-р зуунд Флоренцийн эдийн засгийн хөгжил нь зөвхөн Италид төдийгүй Европт бараг бүх бусад улсуудаас түрүүлж байв. Үйлдвэрлэл анх энд бий болж, хөлсний ажилчид болон баячуудын ангийн хоорондох зөрчилдөөн үүсч эхэлсэн юм.

14-р зуунд Флоренц нь Италийн Сэргэн мандалтын тэргүүлэх төв болж, Данте Алигери, Франческо Петрарка, Жованни Боккаччо, Жиотто ди Бондонэ, Леонардо да Винчи, Микеланжело, Никколо Макиавелли болон бусад олон авьаятнууд бүтээлээ туурвиж байсан ажээ.

1434 оноос хойш Медичи овгийнхон Флоренц хотод эрх мэдлээ тогтоож, улсыг дангаар удирддаг болгосон.

Италийн дайнуудын үеэр Бүгд найрамдах улс нь Савонаролагийн тэгш эрхт теократ дэглэмд захирагдаж байсан боловч Франц болон папын дэмжлэгтэйгээр Медичи 1512 онд эрх мэдлээ сэргээж чаджээ.

1532 онд Флоренцийн Бүгд найрамдах улсын тогтолцоог цуцалж, улс нь удамшлын хаант засаглалтай болсон бөгөөд энэ нь Флоренцийн гүнлэг (1569 оноос Тосканы Их гүн) болсон юм.