Фредерик Шопены хүрээлэн
Фредерик Шопены хүрээлэн (польш. Narodowy Instytut Fryderyka Chopina) - Польшийн алдарт хөгжмийн зохиолч Фредерик Шопены амьдрал, уран бүтээлийг судлах, сурталчлах үндсэн зорилготой Польшийн байгууллага юм. Тус хүрээлэн 2001 онд Польшийн парламентын баталсан хуулийн дагуу байгуулагдсан бөгөөд Польшийн Соёл, Үндэсний өвийн яамны шууд хяналтад байдаг. Төв байр нь Варшав хотод байрладаг.
Тус хүрээлэн нь Фредерик Шопены музей болон таван жилд нэг удаа болдог Шопены олон улсын төгөлдөр хуурчдын тэмцээнийг зохион байгуулдаг. Мөн залуу Польшийн төгөлдөр хуурчдыг урамшуулах "Залуу авьяастнууд" хөтөлбөрийг хэрэгжүүлдэг байна.