Херберт Асквит

Эрхэмсэг хүндэт Оксфорд ба Асквитын гүн
Асквит ойр. 1910
Их Британийн ерөнхий сайд
Албан тушаал хашсан 1908 оны 4 сарын 5 – 1916 оны 12 сарын 5
Хаан	VII Эдвард V Жорж
Өмнөх	Хенри Кэмпбелл-Баннерман
Дараах	Дэвид Ллойд Жорж
Улс төрийн гол албан тушаал Сөрөг хүчний удирдагч Албан тушаал хашсан 1920 оны 2 сарын 12 – 1922 оны 11 сарын 21 Хаан V Жорж Ерөнхий сайд Дэвид Ллойд Жорж Бонар Лоу Өмнөх Доналд Маклийн Дараах Рамзай Макдоналд Албан тушаал хашсан 1916 оны 12 сарын 6 – 1918 оны 12 сарын 14 Хаан V Жорж Ерөнхий сайд Дэвид Ллойд Жорж Өмнөх Эдвард Карсон Дараах Доналд Маклийн Либерал Намын удирдагч Албан тушаал хашсан 1908 оны 4 сарын 30 – 1926 оны 10 сарын 14 Өмнөх Хенри Кэмпбелл-Баннерман Дараах Дэвид Ллойд Жорж
Сайдын албан тушаал Дайны хэргийн сайд Албан тушаал хашсан 1914 оны 3 сарын 30 – 1914 оны 8 сарын 5 Ерөнхий сайд Өөрөө Өмнөх Жон Эдвард Сийли Дараах Херберт Киченер Сангийн сайд Албан тушаал хашсан 1905 оны 12 сарын 10 – 1908 оны 4 сарын 12 Ерөнхий сайд Хенри Кэмпбелл-Баннерман Өмнөх Остин Чэмберлэн Дараах Дэвид Ллойд Жорж Дотоод хэргийн сайд Албан тушаал хашсан 1892 оны 8 сарын 18 – 1895 оны 6 сарын 25 Ерөнхий сайд Уильям Эварт Гладстоун Арчибалд Примроуз Өмнөх Хенри Матьюс Дараах Матью Уайт Ридли
Лордуудын танхимын гишүүн
Үе залгамжилсан лорд
Үе залгамжлал 1925 оны 2 сарын 10 – 1928 оны 2 сарын 15
Дараах	Жулиан Асквит
Парламентын гишүүн
Албан тушаал хашсан 1920 оны 2 сарын 12 – 1924 оны 10 сарын 9
Өмнөх	Жон Маккалум
Дараах	Эдвард Мичелл
Сонгуулийн тойрог	Пэйсли
Албан тушаал хашсан 1886 оны 7 сарын 27 – 1918 оны 11 сарын 25
Өмнөх	Жон Бойд Киннеар
Дараах	Александр Спрот
Сонгуулийн тойрог	Зүүн Файф
Хувийн мэдээлэл
Төрсөн	Херберт Асквит (1852-09-12)12 9 сарын 1852 Англи, Йоркширын Баруун Райдинг, Морли
Нас барсан	15 2 сарын 1928(1928-02-15) (75 насалсан) Англи, Беркшир, Саттон Кортени
Оршуулсан газар	Саттон Кортени, Олл Сэйнтс Сүм
Улс төрийн нам	Либерал
Эхнэр, Нөхөр	Хелен Келсалл Мелланд (г. 1877; н. 1891) Эмма Маргарет "Марго" Теннант (г. 1894)
Хүүхэд	10 (Рэймонд, Херберт, Артур, Виолет, Кирил, Элизабет and Энтони болон бусад)
Боловсрол	Лондон хотын сургууль
Төгссөн сургууль	Оксфордын их сургууль, Баллиол коллеж
Мэргэжил	Хуульч
Гарын үсэг

Оксфорд болон Асквитын 1-р Гүн Херберт Хенри Асквит (англи. Herbert Henry Asquith, 1st Earl of Oxford and Asquith; 1852 оны 9-р сарын 12-нд Английн Баруун Йоркшир гүнлигийн Морли хотод төрсөн — 1928 оны 2-р сарын 15-нд Оксфордшир гүнлигт нас барсан) — Британийн төрийн болон улс төрийн зүтгэлтэн, Либерал намаас 1908-1916 онд Их Британий Ерөнхий сайдаар ажилласан хүн.

Тэрээр томоохон либерал хууль тогтоомжийг боловсруулж, батлах, Лордуудын танхимын эрх мэдлийг бууруулахад гол үүрэг гүйцэтгэсэн улс төрч. 1914 оны 8-р сард Асквит Британийн эзэнт гүрнийг Дэлхийн нэгдүгээр дайнд оруулсан хүн. 1915 оны турш түүний засгийн газрыг зэвсгийн хомсдол, Дарданеллийн довтолгооны ажиллагаа бүтэлгүйтсэний улмаас хатуу шүүмжилж байв. Тэрээр бусад намуудтай хамтран Эвслийн засгийн газар байгуулсан боловч шүүмжлэлийг дийлж чадаагүй тул 1916 оны 12-р сард огцрохоос өөр аргагүй болсон юм.

Намтар

Херберт Асквит Английн Баруун Йоркширын Морли хотод ноосны худалдаачин Жозеф Диксон Асквит (1825–1860) болон түүний эхнэр Эмили Уильямс нарын 5 хүүхдийн хоёр дахь нь болж төрсөн ажээ.

Херберт Асквитын эцэг түүнийг 8 настай байхад нас баржээ. Тэрээр Лондон хотын сургуульд сураад 1870 онд Оксфордын их сургуульд элсэн орж хуульч мэргэжлээр сурсан байна. Төгссөнийхөө дараа мэргэжлээрээ ажиллаж, 1877 онд эмчийн охин Хелен Келсалл Мелландтай гэрлэж таван хүүхэдтэй болжээ. Асквитын анхны эхнэр 1891 онд хижиг өвчнөөр нас барсан байна.

1886 онд тэрээр Зүүн Файфаас парламентад анх сонгогдоод хэд хэдэн удаа дахин сонгогдож 1918 он хүртэл суудлаа хадгалж үлджээ. 1892 онд тэрээр Уильям Гладстоны кабинетын Дотоод хэргийн сайдаар томилогджээ.

1905-1908 онуудад тэрээр Сангийн сайдаар ажиллаж байсан.

1908 онд Асквитыг VII Эдвард хаан уламжлал ёсоор Их Британийн Ерөнхий сайдаар томилжээ. Түүний засаглалын үед нийгмийн даатгал, улсын тэтгэврийг нэвтрүүлэх зэрэг нийгэм, эдийн засгийн хэд хэдэн чухал шинэчлэл хийгдсэн юм.

1916 онд Дэлхийн нэгдүгээр дайны оргил үед Херберт Асквит парламентын дэмжлэгийг алдаж, огцорчээ.

1925 онд Асквитт Виконт Асквит, Оксфордын гүн, Асквит гэсэн цол хэргэмтэй пэр цолыг хүртжээ. Тэрээр 1926 онд Либерал намын даргын албан тушаалаасаа огцорсон.

Херберт Асквит өмнөх харвалтын хүндрэлээс болж 1928 онд нас барсан байна.