Цахиурын хөндий

Чөлөөт нэвтэрхий толь — Википедиагаас
Jump to navigation Jump to search
Цахиурын хөндийн байрлал

Цахиурын хөндий (Silicon Valley)-АНУ-ын Калифорни мужийн Сан-Франциско хотын өмнөд хэсэгт байрлах өндөр технологийн компьютер, микропроцессор, программ хангамж боловсруулах, хөдөлгөөнт ухаалаг гар утас, биотехнологи зэрэг инновацийн компаниуд төвлөрсөн газрыг хэлнэ. Газар зүйн хувьд (Santa Clara Valley) Санта Клара хөндийд хамаарагддаг байна.

Цахиурын хөндийн анхны англи нэр нь цахиурыг хагас дамжуулагч төхөөрөмж (диод, транзистор, микро схем) үйлдвэрлэхэд хагас дамжуулагч болгон ашигласнаас үүдэлтэй. Энэ л салбараас хөндийн технологийн төв болсон түүх эхэлсэн. Энэ нэрийг 1971 оны 1-р сарын 11-нд сэтгүүлч Дон Хефлер "АНУ-ын Цахиурын хөндий" нэртэй цуврал нийтлэлээ нийтэлж эхлэхдээ анх хэрэглэж байжээ.

Энэхүү технологийн төв үүсч хөгжсөн нь тэргүүлэх их дээд сургуулиуд, ойр зайд орших, шинэ компаниудын санхүүжилтийн эх үүсвэр байралдаг бөгөөд Газар дундын тэнгисийн уур амьсгалтай адилхан тааламжтай цаг агаартай зэрэгтэй холбоотой юм.

Стэнфордын их сургуулийн манлайлал цахиурын хөндийн хөгжлийн эхэн үед онцгой ач холбогдолтой байсан. Цахиурын хөндий нь бүс нутгийн их дээд сургуулиудад байрладаг шинжлэх ухааны судалгааны чадварлаг бааз, асар их хөрөнгө оруулалт, АНУ-ын Батлан хамгаалах яамны тогтмол захиалга зэрэг хэд хэдэн хүчин зүйлийн огтлолцолоор үүсч цаашдын өсөлт, амжилтын үндэс болсон.

Тус хөндий хөгжих нөхцөлийн нэг нь Стэнфордын аж үйлдвэрийн паркийг байгуулсан явдал юм. Дэлхийн 2-р дайны дараа Стэнфордын оюутны тоо эрс нэмэгдэж, илүү их санхүүжилт шаардлагатай болсон байна. Их сургууль нь том эдлэн газар (ойролцоогоор 32 км²) эзэмшиж байсан боловч Их сургуулийг үүсгэн байгуулагч Леланд Стэнфордын гэрээслээр уг газрыг зарах боломжгүй байв. Иймд газраа өндөр технологийн компаниудад түрээслэх шийдвэр гарч их сургуулийн ссанхүүжилтийг дэмжих боломжтой болсон - Стэнфордын төгсөгчид төрлөх сургуулийнхаа ойролцоо ажилтай болох боломжтой болжээ. Өндөр мэргэшсэн мэргэжилтэн хайж байсан компаниудын асуудлыг мөн шийдвэрлэсэн байна. Инженерийн тэнхимийн декан, профессор Фредерик Терман өмнө нь оюутнууддаа их сургуулийн ойролцоо компани байгуулахыг зөвлөж байсан бөгөөд тэрээр 1939 онд Hewlett-Packard (HP) компанийг үүсгэн байгуулсан Hewlett and Packard нарын зөвлөгч байсан юм. HP нь 1960-аад оны эхэн үе хүртэл хагас дамжуулагч үйлдвэрлэж байгаагүй ч Цахиурын хөндийн анхны компани гэж бэлгэдлийн үүднээс үздэг байна.

2006 оны мэдээллээр Цахиурын хөндий нь Нью-Йорк, Вашингтон хотуудын араас АНУ-ын гурав дахь том технологийн төв юм (өндөр технологийн ажлын байр- 225,300 байгаа юм). Бусад эх сурвалжаар Сан Францискогийн булангийн бүсэд 386,000 гаруй мэдээллийн технологийн мэргэжилтнүүд ажилладаг бөгөөд энэ нь Цахиурын хөндийг АНУ-ын хамгийн том технологийн төв гэж үзэж болно. 1000 ажилтан тутамд 286 мэдээллийн технологийн ажилтан ногдож байна.

Цахиурын хөндий дахь орлого АНУ-ын дунджаас хамаагүй дээгүүр байгаа юм. Ийнхүү 2006-2008 онд гэр бүлийн дундаж орлого жилд 76.5 мянган ам.доллар байна гэсэн тооцоо гарчээ.