Чапман Их Сургууль

Чапман их сургууль

Chapman University
Уриа	ὀ Χριστòς καì ἡ Ἐκκλησíα (Грек)
Байгуулагдсан он	1861 оны 3 сарын 4 (1861-03-04)
Төрөл	Хувийн судалгааны их сургууль
Хандивын сан	860 сая доллар (2025)
Ерөнхийлөгч	Даниеле Струппа
Эрдэмтэн багш нар	1,117
Захиргааны ажилтан	752
Оюутан	10,001
Бакалавр	7,656
Аспирант	2,345
Байршил	Оринж, Калифорни, АНУ
Өнгөнүүд	Улаан, хар
Цахим хаяг	www.chapman.edu

Чапман Их Сургууль нь АНУ-ын Калифорни мужийн Оранж хотод байрладаг хувийн судалгааны их сургууль юм. Арван нэгэн коллежийг хамарсан тус сургууль нь “R2: Докторын зэрэг олгодог их сургуулиуд – өндөр судалгааны идэвхтэй” хэмээн ангилагддаг. Сургууль нь үүсгэн байгуулагдахдаа Христийн сүм (Christ's Disciples буюу Христийн Дагагчид) болон Христийн Нэгдсэн Сүмтэй холбоотой байсан боловч өдгөө шашны бус (секуляр) их сургууль юм.

Түүх

Сургуулийн анхны нэр нь “Хеспериан коллеж” байсан бөгөөд Калифорнийн Вүүдлэнд хотод 1861 оны 3-р сарын 4-нд хичээллэж эхэлжээ. Нээлтийн огноо нь АНУ-ын Ерөнхийлөгч Абрахам Линкольны тангараг өргөсөн өдөртэй давхцаж таарч байв. Хеспериан коллеж нь оюутнуудыг хүйс, арьс өнгө үл харгалзан элсүүлдэг байжээ. Анхны хэдэн арван жилд тус сургууль хэд хэдэн удаа нэрээ болон байршлаа өөрчилсөн байна.

1896 онд Хеспериан нь Пирс Христийн коллежтой нэгдэж, Калифорнийн Беркли хот дахь Библийн семинарыг байгуулсан. Тухайн сургууль нь дараа нь Сан-Франциско руу нүүж “Калифорнийн Библийн коллеж” болсон. 1920 онд тус сургуулийг Калифорнийн Христийн коллеж худалдан авч, дараа нь өмнөд Калифорни руу нүүж Лос-Анжелес хот дахь “Христийн сургууль” болсон байна.

1923 онд сургуулийн нэрийг дахин өөрчилж Калифорнийн Христийн коллеж болгожээ. Харин 1934 онд тус сургууль нь удирдах зөвлөлийн дарга, гол хандивлагч болох С. С. Чапманы нэрээр Чапман коллеж хэмээн нэрлэгдсэн байна.