Чарльз Кеттеринг

Чарльз Кеттеринг (англи. Charles Kettering, бүтэн нэр нь — Чарльз Фра́нклин Ке́ттеринг (англи. Charles Franklin Kettering), 1876 онд төрсөн —1958 онд нас барсан) — америкийн инженер, 186 патент эзэмшигч зохион бүтээгч бөгөөд ажил хэрэгч хүн. "Delco" компани үүсгэн байгуулсан бөгөөд 1920-1947 онд "General Motors" компанид судалгааны ажлыг удирдаж байсан.

Чарльз Кеттеринг АНУ-ын 186 шинэ бүтээлийн патентыг эзэмшиж байжээ. Тэрээр автомашины хөдөлгүүрийг асаах цахилгаан систем, гэрэлтүүлгийн асаах системийг зохион бүтээжээ. Хөдөлгүүрийн цахилгаан асаагуурууд нь гар аргаар асаадаг байдлыг халсан. Анх 1912 онд Cadillac-д танилцуулагдсан бүх цахилгаан хөдөлгүүр нь ямар ч машиныг асаахад хялбар болгосноор АНУ-ын автомашины үйлдвэрлэлийг хөгжүүлэхэд том түлхэц болсон. Бусад патентууд нь зөөврийн гэрэлтүүлгийн систем, дутуу төрсөн хүүхдэд зориулсан "инкубатор" зэрэг багтсан юм. Түүний хөдөлгүүрээр ажилладаг генератор нь батерейтай хослуулан "Delco"-г бий болгоход тус болсон бөгөөд энэ нь тариалангийн талбай болон цахилгаан татаагүй газруудыг цахилгаанаар хангах боломжтой болгосон юм.

Кеттеринг 1958 оны 11-р сарын 25-нд таалал төгссөн. Түүнийг нас барсны дараа цогцсыг нь дурсах ёслолд зориулан Инженерийн клубт аваачиж, дараа нь Охайо мужийн Дейтон дахь Вудланд оршуулгын газар, Модлог цэцэрлэгт хүрээлэнгийн бунханд оршуулжээ.