Шеффилдийн их сургууль

Шеффилдийн их сургууль(түгээмэл нэршлээр Шеффилдийн их сургууль эсвэл TUOS) нь Английн Саут Йоркшир хотын Шеффилд хотод байрлах улсын судалгааны их сургууль юм. Тус сургуулийн түүх нь 1828 онд үүсгэн байгуулагдсан Шеффилдийн Анагаахын сургууль, 1879 оны Фиртийн коллеж, мөн 1884 оны Шеффилдийн Техникийн сургуулиас эхлэлтэй. Эдгээр гурван байгууллагыг 1897 онд нэгтгэснээр Шеффилдийн коллеж үүссэн ба 1905 онд хаан Эдвард VII-ын зарлигаар их сургуулийн статустай болж, Шеффилдийн их сургууль нэртэй болсон.

Шеффилдийн их сургууль нь 50 академик тэнхимтэй бөгөөд таван факультет болон нэг олон улсын факультетэд хуваагддаг. 2023–24 оны хичээлийн жилийн нийт орлого нь 887.9 сая фунт стерлинг байсан бөгөөд үүнээс 185.8 сая нь судалгааны тэтгэлэг болон гэрээнүүдээс орж ирсэн. Зардал нь нийтдээ 651.4 сая фунт стерлинг байжээ. Шеффилд нь Европын хамгийн тэргүүлэх инженерийн их сургуулиудын нэг гэж тооцогддог. HESA-ийн сүүлийн үеийн статистикаас үзэхэд тус сургууль нь хоёр жил дараалан Их Британийн бүх их сургуулиудын дундаас хамгийн их инженерийн судалгааны орлого, зарлагатай байжээ.

Тус сургууль нь анхны "улаан тоосгон" их сургуулиудын нэг бөгөөд Russell Group-ийн үүсгэн байгуулагч гишүүн юм. Мөн Дэлхийн их сургуулиудын сүлжээ (Worldwide Universities Network), Хойд Английн хамгийн судалгааны өндөр түвшний найман их сургуулийн N8 Group, цагаан сарнайгийн их сургуулиудын консорциумын (White Rose University Consortium) гишүүн билээ. QS байгууллагаас сүүлийн арван таван жилийн турш Шеффилдийн их сургуулийг дэлхийн шилдэг 66–105 дугаар байранд үнэлж ирсэн. THE (Times Higher Education) байгууллага 2020 онд тус сургуулийг Европт сургалтын чанараараа 22-р байрт жагсааж байв.