Эдмонтоны Конкордиа Их Сургууль

Эдмонтоны Конкордиа Их Сургууль (Англи: Concordia University of Edmonton) нь Канадын Альберта мужийн Эдмонтон хотод байрладаг, төрийн санхүүжилттэй бие даасан их сургууль юм. Энэхүү их сургууль нь Альберта мужийн Дээд боловсролын тухай хуулиар баталгаажсан агаад урлаг, шинжлэх ухаан, менежментийн бакалаврын зэрэг, мөн боловсрол, мэдээллийн технологи, мэдээллийн аюулгүй байдал, сэтгэл судлал зэрэг магистрын хөтөлбөрүүдийг санал болгодог. Конкордиа их сургууль нь сургалтын төлбөр, хувийн хандиваар голчлон санхүүждэг бөгөөд 2022 оны байдлаар нийт санхүүжилтийн ойролцоогоор гуравны нэгийг засгийн газрын татаас эзэлж байв. Конкордиа их сургууль нь таван факультет, хоёр сургуультай: Уран сайхны факультет, Боловсролын факультет, Аспирантурын факультет, Менежментийн факультет, Шинжлэх ухааны факультет, Биеийн Тамир, Эрүүл Мэндийн Сургууль болон Хөгжмийн сургууль. Тус их сургууль нь урлаг, шинжлэх ухаан, менежментийн чиглэлээр 45 үндсэн болон туслах мэргэжлүүд, хоёрдугаар зэргийн хөтөлбөр, гурван магистрын хөтөлбөр, түүнчлэн хэд хэдэн аспирантын гэрчилгээ, дипломын хөтөлбөрүүдийг санал болгодог.  

2012-2015 онд Летбрижийн Их Сургуулийн жижиг сургалтын төв Конкордиад үйл ажиллагаагаа тэлж байжээ. Түүнчлэн, "Bright Horizons" хүүхдийн цэцэрлэг болон Конкордиа Лютераны Семинар нь хамтардаг байна. Их сургуулийн оюутны амьдралд нийгэмлэгийн найрал хөгжим, нийгэмлэгийн дуурийн бүрэлдэхүүн, эмэгтэйчүүдийн дуурийн бүрэлдэхүүн, аялан тоглолт хийх дуурийн бүрэлдэхүүн, тогтмол жүжгийн драмууд ордог. Их сургуулийн кампус дотор гурван оюутны байр байдаг: Үүсгэн байгуулагчдын байр (Founders Hall), Эберхардын байр (Eberhardt Hall), Вангерины байр (Wangerin House).