Эмили Карр урлаг, дизайны их сургууль

Эмили Карр Урлаг, Дизайны Их Сургууль (Англи: Emily Carr University of Art + Design, товчоор ECU) нь Канадын Бритиш Колумбийн Ванкувер хотод байрладаг, олон нийтийн урлаг, дизайны их сургууль юм. 1925 онд Ванкуверын гоёл чимэглэлийн болон хэрэглээний урлагийн сургууль нэртэйгээр байгуулагдсан бөгөөд урлаг, хэвлэл мэдээлэл, дизайны чиглэлээр мэргэжлийн боловсрол олгох Бритиш Колумбийн хамгийн эртний төрийн дээд сургууль юм.

Энэ их сургуулийг Канадын зураач, зохиолч Эмили Каррын нэрээр нэрлэсэн бөгөөд тэрээр модернист болон пост-импрессионист урлагийн бүтээлүүдээрээ алдартай байсан. Тус их сургууль нь Соёл, комьюнитийн факультет, лан Гиллеспи дизайн, динамик медиагийн факультет, Аудайн урлагийн факультет, Жэйк Керр Төгсөлтийн судалгааны факультет гэсэн дөрвөн эрдэм шинжилгээний факультеттай, хамтарсан боловсрол эзэмшдэг. ECU нь үргэлжлүүлэн суралцах, гэрчилгээ олгох, залуучуудын хөтөлбөрөөр зэрэглэлийн бус боловсрол олгодог. Одоогийн байдлаар тус их сургууль нь 2,100 гаруй бакалавр, магистрын оюутантай, мөн төгсөгчдийн тоо 13,000 давжээ. QS World University Rankings-ийн мэдээлснээр 2023 оны байдлаар тус сургууль урлаг, дизайны чиглэлээр дэлхийд 25-т жагсаж байна.