Эмпайр-Стейт-Билдинг

Чөлөөт нэвтэрхий толь — Википедиагаас
Харайх: Удирдах, Хайлт
Empire State Building by David Shankbone.jpg

Эмпайр-Стейт-Билдинг нь Нью-Йорк хотод орших барилга юм. Энэхүү зиккурат буюу дээшлэх тусмаа нарийсч шаталсан цамхаг хэлбэртэй Арт деко хэв маягийн барилга нь 1931 онд баригджээ. Шрив, Ламб ба Хармон Асссошиэйтс (Shreve, Lamb & Harmon Associates) компани зураг төслийг нь гаргасан байна. 102 давхар, 381 м өндөртэй энэ барилга телевизийн антентайгаа 443,2 м хүрдэг. 1931 онд Крайслер Билдингээс халааг нь авснаар дэлхийн хамгийн өндөр байшин байсан бөгөөд 1972 онд Дэлхийн Худалдааны Төвийн (World Trade Center) барилгад халаагаа өгснөөр хамгийн өндөр гэх тодотголоо алджээ. Харин 2001 оны 9 сарын 11-нд Дэлхийн Худалдааны Төвийн барилга террорист халдлагад өртсөнөөр одоо Нью-Йоркийн хамгийн өндөр барилга хэвээр байсаар байна. Эмпайр-Стейт-Билдинг нь Нью Йоркийн уран барилгын голлох барилгуудын нэгд зүй ёсоор багтдаг юм. Орой дээрх цамхгийг тухайн үеийн үйл явдал болон тэмдэглэлт баяр ёслолд тохируулан өөр өөр өнгөөр гэрэлтүүлдэг. Түүхийн хуудас сөхвөл мананд төөрсөн америкийн Б-25 бөмбөгдөгч онгоц 1945 оны 7 сарын 28-нд уг барилгыг мөргөж онгоцны жолооч нар гурвуулаа 79-р давхарт байсан 11 хүний хамт амь үрэгджээ. Гэвч барилгын даац чанар алдагдсангүй. Барилгын хохирол 1 сая доллар болсон байна. Мөн 1951 онд шинээр бий болсон Чехословакийн Чөлөөт Европ Радио түр хугацаагаар байрлаж байсан байна. Кинг Конг хэмээх аварга бич тэнгэр баганадсан өндөр байшин руу авирч гараад амиа алдаж байгаа тухай кинонд гардаг байшин нь энэхүү Эмпайр-Стейт-Билдинг юм.