Эстонийн Өөрчлөн байгуулалтын нам
Эстонийн Өөрчлөн байгуулалтын нам (эстони. Eesti Reformierakond) — Эстони улсын либерал үзэлтэй нам. Тус нам нь Либерал Интернационал байгууллагын гишүүн (1990-1996 онд ажиглагчаар ажиллаж байсан) бөгөөд "Европын төлөөх Либерал ба Ардчилсан намуудын Холбоо" Европын намын гишүүн юм.
Эстонийн парламент болох Рийгикогу-д хамгийн их 37 суудал (2023 оны сонгулиар) авсан юм. Намын дарга нь Кая Каллас юм.
2014 оноос хойш тус намыг Европын Парламентад Урмас Пает, Кая Каллас гэсэн хоёр гишүүн төлөөлж байна. Эхэндээ Андрус Ансип Урмас Паетийн оронд сонгогдсон. Гэсэн хэдий ч Андрус Ансип Европын дижитал нэгдсэн зах зээлийн комиссын дэд ерөнхийлөгчөөр сонгогдсоны дараа Урмас Пает Европын парламентаас огцорсон.
2018 онд Кая Каллас намын удирдлагад анхаарлаа төвлөрүүлэхийг сонгож, Европын парламентаас огцорсон. Түүний оронд Игорь Грязин томилогдсон. 2018 оны 1-р сард Игорь Грязин намаас гарсан тул Өөрчлөн байгуулалтын намыг одоогоор Европын парламентад зөвхөн Урмас Пает төлөөлж байгаа ажээ.
Намын үзэл баримтлал
[засварлах | кодоор засварлах]Өөрчлөн байгуулалтын нам нь Эстонийн ихэнх засаглалын эвсэлд оролцож, 1999 оноос 2016 он хүртэл засгийн газарт тасралтгүй ажиллаж байсан тул тус улсын улс төрийн амьдралд үзүүлэх нөлөө нь, ялангуяа Эстонийн бизнест ээлтэй эдийн засгийн бодлого, консерватив татварын тогтолцоог харгалзан үзвэл мэдэгдэхүйц их юм.
Намын дарга нар
[засварлах | кодоор засварлах]- Сийм Каллас (1994—2004)
- Андрус Ансип (2004—2014)
- Таави Рыйвас (2014—2017)
- Ханно Певкур (2017—2018)
- Кая Каллас (2018—2024)
- Кристен Михал (2024—)