Эсфахан муж

Эсфахан муж (перс. اصفهان‎ — Ostān-e Esfahān, англи. Isfahan province ) - Иран улсын 31 мужийн (остан) нэг юм. Ираны төв хэсэгт байрладаг энэ мужийн засаг захиргааны төв нь Эсфахан хот юм. Мужийн томоохон хотууд: Кашан (250,000), Хомейнишахр (220,000), Нажафабад (210,000), Шахиншахр (130,000), Шахреза (110,000) зэрэг юм.

Эсфахан мужийн нутаг дэвсгэр нь 107,029 км², хүн ам нь 4,559,256 (2006). Хүн амын дийлэнх нь перс гаралтай бөгөөд Кашкай нүүдэлчид тус мужийн өмнөд хэсэгт амьдардаг. Мөн Гүрж (Ферейдан) болон Армени гаралтай хүмүүс байдаг ажээ.

Засаг захиргааны хуваарь

Эсфахан муж 22 шахрестан (сум)-д хуваагдана.

Аран-и-Бидгол (Aran-o-Bidgol)
Борхар-э-Меймех (Borkhar-o-Meymeh)
Голпайеган (Golpayegan)
Исфахан (Isfahan)
Кашан (Kashan)
Ленжан (Lenjan)
Мобареке (Mobarakeh)
Наин (Nain)
Нетенз (Natanz)
Нажафабад (Najafabad)
Семиром (Semirom)
Доод Семиром (Lower Semirom)
Тиран-и-Корун (Tiran-o-Korun)
Фаридан (Fereydan)
Фелавержан (Falavarjan)
Ферейдуншехр (Fereydunshahr)
Хансар (Khansar)
Хомейнишахр (Khomeinishahr)
Чадеган
Шахиншахр о Мейме (Shahinshahr o Meymeh)
Шехреза (Shahreza)
Ардестан (Ardestan)

Эдийн засаг

Эсфахан муж нь Ираны томоохон аж үйлдвэрийн төв юм. Аж үйлдвэрийн салбарын хурдацтай хөгжил нь тус мужийг эдийн засгийн хамгийн чухал төвүүдийн нэг болгосон бөгөөд энэ салбарт маргаангүй тэргүүлэгч Тегеран мужийг эс тооцвол Эсфаханы гүйцэтгэлийн үзүүлэлтүүдтэй маш ойрхон байна.

Эдийн засгийн гол салбаруудад нэхмэл, төмөрлөгийн аж үйлдвэр, химийн бодис, газрын тос боловсруулах, цахилгаан инженерчлэл, агаарын тээврийн, автомашин, эмийн үйлдвэрлэл, хүнсний үйлдвэрлэл, гутал, эрчим хүч (цөмийн эрчим хүч орно), худалдаа, тээвэр, хөдөө аж ахуй (улаан буудай, буурцагт ургамал, хүнсний ногоо, цитрус жимс, усан үзэм, анар, хөвөн, самар, цэцэг, ялангуяа сарнай), аялал жуулчлал, зэс, хар тугалга-цайрын хүдрийн олборлолт, барилгын чулуу зэрэг орно.