Японы ерөнхий сайд

Япон Улсын Ерөнхий Сайд
Япон Улсын Ерөнхий Сайд
日本国内閣総理大臣
	Японы ерөнхий сайдын сүлд
	Японы ерөнхий сайдын далбаа
	Одоо хашиж буй; Такаичи Санаэ; Албаа хүлээн авсан;; 2025 оны 10 сарын 21
	Японы засгийн газрын гүйцэтгэх засаглал; Ерөнхий сайдын ажлын алба
Хандах хэлбэр	Найкаку соридайжин; (албан); Эрхэм хатагтай; (албан болон дипломат) ; Шүшоо ; (албан бус болон намын мэтгэлцээний үеэр); Соори; (албан бус)
Төрөл	Засгийн газрын тэргүүн; Ерөнхий командлагч;
Гишүүн	Засгийн газрын танхим; Үндэсний аюулгүй байдлын зөвлөл; Японы парламент
Оршин суух газар	Найкаку Сори Дайжин Кантей
Суудал	Токио
Нэр дэвшүүлэгч	Японы парламент
Томилогч	Сүр жавхлант Эзэн хаан
Бүрэн эрхийн хугацаа	Тогтмол хугацаагүй; Итгэл алдсан эсвэл Төлөөлөгчдийн танхим нээгдсэний дараа огцорно; дахин томилогдох боломжтой
Бүрдүүлэгч хэрэгсэл	Японы Үндсэн Хууль
Өмнөх	Японы Дайжо-дайжин
Алба бий болсон	1885 оны 12 сарын 22; 140 жилийн өмнө
Анхны эзэмшигч	Ито Хиробүми
Орлогч	Ерөнхий сайдын орлогч; Засгийн газрын ерөнхий нарийн бичгийн дарга
Цалин	Жилийн ¥40,490,000/; USD$ 257,597
Вэб сайт	Албан ёсны цахим хуудас

Япон Улсын Ерөнхий сайд (Япон: 内閣総理大臣, эсвэл 首相) - Японы Засгийн газрын тэргүүний албан тушаал. Японы Ерөнхий сайд гэдэг албан тушаал 1885 онд бий болж, 1947 оны Үндсэн хуулиар өнөөгийн хэлбэрээ олсон байна.

Одоогийн Ерөнхий сайд Такаичи Санаэ.

Японы Ерөнхий сайдыг парламентад олонх болсон улс төрийн намын өргөн мэдүүлснээр Японы Эзэн хаан томилдог. Ерөнхий сайд сайд нарыг томилох болон огцруулах эрхтэй.

Япон Улсад 1885 онд Европын туршлагын үндсэн дээр (гол төлөв Германы) төрийн удирдлагын тогтолцооны цоо шинэ өөрчлөлт хийсэн. Үүний дагуу хуучин Төрийн үндсэн гүйцэтгэх засаглал болсон Дайжоокан (яп. 太政官: Төрийн Зөвлөл)-ыг халж, оронд нь Сайд нарын Танхим, Төрийн буюу иргэний алба бий болсон байна. 1885 оны 12 дугаар сарын 22-нд Японы анхны Ерөнхий сайдаар Ито Хиробүми томилогдсон түүхтэй. Мөн шинэ тогтолцооны дагуу тэрбээр Ерөнхий сайдаас гадна Эзэн хааны ордны сайд, Үндсэн хуулийн комиссын даргын албыг давхар хашиж байжээ.

1885 оноос хойших хугацаанд 90 болон 96-98 дахь засгийн газрын тэргүүн Абэ Шинзоо Японы түүхэнд нийт 8 жил 9 сар тус албыг хашсан нь хамгийн удаан ажилласан дээд амжилт юм.

Ерөнхий сайдын томилгоо

Японы Ерөнхий сайдад нэр дэвшигчийг парламентын хоёр Танхим хоёулаа сонгодог хуультай. Хэрэв Төлөөлөгчдийн танхим болон Зөвлөхүүдийн танхим нэг хүнийг сонговол Японы эзэн хаан түүнийг шууд Ерөнхий сайдын албан тушаалд томилдог. Японы Үндсэн хуулийн дагуу Эзэн хаан санал болгож буй нэр дэвшигчийг томилохгүй байх ямар ч боломжгүй. Хэрэв Төлөөлөгчдийн танхим болон Зөвлөхүүдийн танхимаас Ерөнхий сайдад өөр өөр хүн нэр дэвшүүлсэн тохиолдолд эвлэрүүлэх журам явуулдаг. Хэрэв эвлэрэхгүй бол Төлөөлөгчдийн танхимын шийдвэрийг дагах ёстой ажээ. Иймд бодит байдал дээр Төлөөлөгчдийн танхимд олонх болсон нам, эвсэл Ерөнхий сайдад нэр дэвшигчээ ямагт гаргаж чаддаг байна.

Ерөнхий сайд нар

Үндсэн өгүүлэл: Японы Ерөнхий сайд нар

Бэлгэ тэмдэг

Японы ерөнхий сайдын далбаа
Ерөнхий сайдын хэрэглэдэг сүлд
Ерөнхий сайдын заримдаа хэрэглэдэг бэлгэ тэмдэг

Эшлэл

↑ ЕСО-ийн албан тушаал сул байвал
↑ 首相は4049万円、閣僚の給料は安い？高い？菅内閣誕生ドキュメント (Япон хэлээр), The Nikkei, 2020-09-16, Татаж авсан: 2022-05-20

Гадаад холбоос

Commons: Японы ерөнхий сайд – Викимедиа зураг, бичлэг, дууны сан

Японы Ерөнхий сайд болон түүний Засгийн газар Албан ёсны вэбсайт
1885-1989 оны Японы Засгийн газрын жагсаалт　(Япон хэлээр)

[1] ЕСО-ийн албан тушаал сул байвал

[2] 首相は4049万円、閣僚の給料は安い？高い？菅内閣誕生ドキュメント (Япон хэлээр), The Nikkei, 2020-09-16, Татаж авсан: 2022-05-20

[1]

[2]