Үндэстнүүдийн Хамтын Нөхөрлөл

Чөлөөт нэвтэрхий толь — Википедиагаас
Харайх: Удирдах, Хайлт

 

Үндэстнүүдийн Хамтын Нөхөрлөл
 
Үндэстнүүдийн Хамтын Нөхөрлөлийн гишүүдийн газрын зураг
Англи нэршил Commonwealth of Nations
Байгууллагын төв

Марлборо Хаус
(Лондон, Их Британи)

Дарга II Элизабет (тэргүүн)
  • Жозеф Мускат (дарга)
  • Патрисиа Шотланд (ерөнхий нарийн бичгийн дарга)
Гишүүн улсууд

52

Албан- ба ажлын хэл

Англи

Байгуулагдсан

1931 оны 12 сарын 11

www.thecommonwealth.org

Үндэстнүүдийн Хамтын Нөхөрлөл (англ. Commonwealth of Nations) буюу Хамтын Нөхөрлөл, хуучнаар Британийн Хамтын Нөхөрлөл нь хоёроос бусад нь хуучин Британийн эзэнт гүрний бүрэлдэхүүнд байсан нийт тавин дөрвөн тусгаар тогтносон гишүүн улсуудаас бүрдсэн олон улсын байгууллага юм.

Тус байгууллагын гишүүн орнууд Сингапурын тунхаглалд заагдсан нийтлэг үнэ цэнэ, зорилгын хүрээнд хамтран ажилладаг[1]. Үүнд ардчилал, хүний эрх, сайн засаглал, хуульт ёс, хувийн эрх чөлөө, эрх тэгш байдал, чөлөөт худалдаа, олон тулгуурт бодлого, дэлхийн энхтайвныг хөхиүлэн дэмжих явдал орно[2].

Хоёр жил тутам явагддаг Хамтын Нөхөрлөлийн орнуудын засгийн газрын тэргүүнүүдийн уулзалтын хоорондох өдөр тутмын үйл ажиллагааг Ерөнхий нарийн бичгийн даргаар удирдуулсан Хамтын Нөхөрлөлийн Нарийн Бичгийн Дарга нарын Газар хөтлөн явуулна. Тэдгээрийн чөлөөт холбооны бэлгэ тэмдэг нь Хамтын Нөхөрлөлийн Тэргүүн бөгөөд өдгөө II Элизабет болно. Түүнээс гадна II Элизабет нь Хамтын Нөхөрлөлийн гишүүн 16 тусгаар тогтносон, харилцан үл хамаарах улсуудын төрийн тэргүүн билээ.

Цахим холбоос[засварлах | edit source]

 Commons: Үндэстнүүдийн Хамтын Нөхөрлөл – Викимедиа зураг, бичлэг, дууны сан

Эшлэл[засварлах | edit source]

  1. FAQs. Commonwealth Secretariat. 2010-03-06-д хандсан.
  2. Singapore Declaration of Commonwealth Principles 1971. Commonwealth Secretariat (22 January 1971). 2010-03-06-д хандсан.