Өмнөд Чүнчон муж

Өмнөд Чүнчон муж 충청남도
Муж
Chungcheongnam-do
Солонгос галиглал
• Хангыл	충청남도
• Ханжа	忠淸南道
• Маккьюн-Райшауэр	Ch'ungch'ŏngnamdo
• Шинэ латинчлал	Chungcheongnam-do
Далбаа Лого
Солбицол: 36°30′N 126°45′E
Улс	Өмнөд Солонгос
Бүс нутаг	Хосё
Томоохон хот	Чонань
Нийслэл	Хунсон-гүнь
Хуваалт	8 хот; 7 хошуу
Засаг захиргаа
• Захирагч	Ким Те-хюм (Ард түмний хүч)
Газар нутаг
• Нийт	8,226.14 км2 (3,176.13 бээр2)
• Байр	6-р байр
Хүн ам  (2022)
• Нийт	2,123,037
• Байр	4-р байр
• Нягтрал	258.08/км2 (668.4/бээр2)
Бэлгэ тэмдэг
• Цэцэг	Шиваантиг
• Мод	Уйлж буй бургас
• Шувуу	Мандир уранхажин
Аймгийн Нийт Бүтээгдэхүүн (2020)
• Нийт	₩115.5 их наяд $92.4 тэрбум
ISO 3166 код	KR-44
Аялга	Чүнчон
Вэб сайт	Албан ёсны хаяг (Англи хэл)

Өмнөд Солонгосын нэгдүгээр түвшний 17 нэгж, одоогийн 8 аймгийн нэг нь Өмнөд Чүнчон (Өмнөд Чунчон; Чүнчоннам-ду; сол. 충청남도, 忠清南道 Chungcheongnam-do; Англи: South Chungcheong Province; Орос: Чхунчхон-Намдо) юм. 1896 онд Чүнчон аймгийг хоёр хувааснаар тус муж үүсэв. Эхлээд бүхэл Солонгосын муж байсан бол 1945 онд Солонгос хоёр хуваагдсанаар БНСУ-ынх болжээ. Аймгийн засгийн газар хаяа залгаа Тэжон хотод байрлаж байгаад саяхан Хунсон хошуу руугаа төвлөн суусан. Чүнчоннамдугийн 8,628 км² газарт 2010 оны байдлаар 2,028,002 хүн аж төрөн сууж байна.

Өмнөд Чүнчон муж засаг захиргааны эрх үүрэггүй нутаг — Хусо мужид багтдаг. Баруун талаараа Шар тэнгист тулж, бусад талаараа Кёнги, Умард Чүнчон, Өмнөд Чолла гэх 3 муж, Тэжон, Сэжун хэмээх 2 хот буюу аймгийн зэргийн бүгд 5 нутагтай хаяа залгадаг. Эндхийн хүн ардын дундаж орлого бусдаас их гэдэг нь 2010 оны нэг хүнд ноогдох ДНБ—$47,516 гэдгээр илэрнэ.

Өмнөд Чүнчоны Йонги хошуу гэж байсныг 2007 оноос засаг захиргааны хувьд зэрэг ахиулж онцлон өөртөө засах Сэжун хот болгон өөрчлөн байгуулжээ. БНСУ-ын нийслэл ирээдүйд Сөүлээс энэ хотод нүүн ирэх төлөвтэй.

Засаг захиргааны хуваарь

Өмнөд Чүнчон одоогоор 8 хот (시 - ши), 7 хошуу (군 - gun, монголоор күн, үгийн хойно орвол гүн гэж хэлэгдэнэ; Англи: county; Орос: уезд), бүгд 15 нутаг болон хуваагдаж байгаа.

#	Нэр (монгол)	солонгос	англи	орос	Хүн ам (2010)
— хот — (солонгосоор 시 - ши)
1	Чоньань	천안시	Cheonan	Чхонан	574,623
2	Асань	아산시	Asan	Асан	278,676
3	Сосань	서산시	Seosan	Сосан	156,843
4	Танжинь	당진시	Dangjin	Танджин	137,006
5	Кунжү	공주시	Gongju	Конджу	122,153
6	Нуньсань	논산시	Nonsan	Нонсан	119,222
7	Пурён	보령시	Boryeong	Порён	97,770
8	Керюн	계룡시	Gyeryong	Керён	41,528
— хошуу — (солонгосоор 군 - күн, гүн)
9	Хунсон	홍성군	Hongseong	Хонсон	82,811
10	Есань	예산군	Yesan	Есан	77,830
11	Пүё	부여군	Buyeo	Пуё	67,584
12	Сочонь	서천군	Seocheon	Сочхон	53,914
13	Тэань	태안군	Taean	Тхэан	53,888
14	Кымсань	금산군	Geumsan	Кымсан	52,952
15	Чон-Ян	청양군	Cheongyang	Чхонъян	29,755