III Фридрих

III Фридрих (Пруссийн Фридрих Вильхельм Николаус Карл, герман. Friedrich III., Friedrich Wilhelm Nikolaus Karl von Preußen; 1831 оны 10-р сарын 18-нд Потсдам дахь шинэ ордонд төрж, 1888 оны 6-р сарын 15-нд мөн ордонд нас барсан) - Хохенцоллер (герм. Hohenzollern) угсааны Германы эзэн хаан, I Вильхельм хааны цорын ганц хүү бөгөөд Пруссийн сүүлчийн хаан II Вильхельмийн эцэг.

Цэргийн болон төрийн зүтгэлтэн, Канцлер хунтайж Отто фон Бисмаркийн либерал өрсөлдөгч, эцгийнхээ хаанчлалын үеийн цэргийн гол кампанит ажил, тэр дундаа 1870-1871 оны Франц-Пруссийн дайнд оролцогч. Түүнийг Европ дахь хаан ширээг залгамжлах хамгийн ирээдүйтэй өв залгамжлагчдын нэг гэж үздэг байсан ч тэрээр хүнд өвчтэй байсан бөгөөд ердөө 99 хоног хаан ширээнд суусан. Түүний эрт нас барсан нь Германы түүхэн дэх эргэлтийн цэг байсан эсэх талаар түүхчдийн дунд маргаантай хэвээр байдаг юм.