II Отто
.jpg)
II Отто (герман. Otto II der Rote; 955 онд төрж, 983 оны 12-р сарын 7-нд Италийн Ром хотод нас барсан) — Германы хаан бөгөөд 973 оноос Ариун Ромын эзэнт улсын Эзэн хаан, 973 оноос Италийн хаан, эзэн хаан I Отто болон Бургундийн Аделаид нарын хүү.
Намтар
[засварлах | кодоор засварлах]II Отто бага насандаа 961 онд Германы хамтарсан захирагч болсон бөгөөд эцэг нь түүнд хаан ширээгээ залгамжлуулахын тулд 967 онд хамтрагч эзэн хаан хэмээн өргөмжилжээ. Эцэг нь мөн II Оттог Византийн гүнж Теофанутай гэрлүүлэхээр тохиролцсон бөгөөд Теофану нас барах хүртлээ түүний эхнэр байжээ. Эцэг нь 37 жилийн хаанчлалын дараа нас барахад 18 настай II Отто тайван замаар Ариун Ромын эзэнт гүрний үнэмлэхүй захирагч болов. II Отто хаанчлалаа эцгийнхээ Герман дахь эзэнт гүрний ноёрхлыг бэхжүүлэх бодлогыг үргэлжлүүлж, эзэнт гүрний хилийг өмнөд Итали руу улам гүнзгийрүүлэхэд зарцуулсан. II Отто мөн католик сүмийг эзэн хааны хяналтад оруулах эцэг I Оттогийн ажлыг үргэлжлүүлэв.