La Cenerentola

“La Cenerentola буюу ‘Сайн сэтгэл ялалт байгуулна’” (“Синдерелла, эсвэл Сайн сэтгэл ялна”) нь Жоаккино Россинигийн зохиосон хоёр бүлэгтэй, хошин өнгө аястай дуурь юм. Либреттог Жакопо Ферретти гэдэг нэртэй хүн бичсэн бөгөөд энэ нь Шарлес-Гиуллауме Этьенн-ий Сендриллион дуурь (хөгжмийг Николя Изуар бичсэн, 1810 онд Парист анх тоглогдсон) болон Франческо Фиоринигийн Agatina, о ла вирту премиата (өөр үгээр хэлбэл “Шагнагдсан сайн чанар”, хөгжмийг Стефано Павези гэдэг хүн бичсэн тэгээд 1814 онд Миланд анх тоглогдсон) гэх мэтчилэн бүтээлүүд дээр тулгуурласан. Энэ бүх дууриуд нь Шарлес Перраултийн Сендриллион гэдэг үлгэрийн өөр өөр хувилбарууд юм. Россинигийн энэ дуурь нь 1817 оны 1-р сарын 25-нд Ром хотын Театро Валле гэдэг театрт анхны тоглолтоо тавьсан.

Энэ үлгэрийн хувилбарт санаа муутай хойд ээжийн оронд Дон Магнифико гэдэг нэртэй хорон муу санаатай хойд эцэг гардаг. Үлгэрийн шидэт эхийн оронд ханхүүгийн багш, гүн ухаантан Алидоро гардаг. Синдереллаг шилэн өндөр өсгийгөөр нь биш мөнгөн бугуйвчаар нь таньдаг. Синдереллагийн үлгэрийг уламжлалт байдлаар тодорхойлдог ер бусын (шидэт) элементүүдийг тайзан дээр тавихад илүү амар болгохын тулд либреттогээс хассан.

Россини “Ла Сенерентола”-г 25 настайдаа, өмнөх жил нь гаргасан “Севилийн үсчин” дуурийн амжилтын дараа зохиосон. Тэр уг бүтээлийг гурван долоо хоногийн дотор дуусгасан бөгөөд “Ла Сенерентола” нь гоцлол болон хамтлаг дууны хувьд түүний хамгийн шилдэг бүтээлүүдийн нэг гэж тооцогддог.