Peppsi

PEPPSI

PEPPSI гэдэг нь pyridine-ээр сайжруулсан прекатализаторын бэлтгэл, тогтворжилт ба идэвхжил (pyridine-enhanced precatalyst preparation stabilization and initiation) гэсэн хэллэгийн товчлол юм. Энэ нь 2005 оны орчим Йоркийн их сургуульд профессор Майкл Г. Орган болон түүний хамтран ажиллагсадын боловсруулсан, арилжааны зориулалтаар ашиглагддаг палладийн катализаторуудын нэгэн бүлгийг хэлнэ. Эдгээр катализаторууд нь нүүрстөрөгч–нүүрстөрөгч болон нүүрстөрөгч–гетероатомын холбоо үүсгэх төрөл бүрийн кросс-холболтын (cross-coupling) урвалыг хурдасгах чадвартай.

Олон төрлийн өөр палладийн катализатортой харьцуулахад Pd-PEPPSI төрлийн комплексүүд нь агаар болон чийгэнд тогтвортой, нийлэгжүүлэх болон ажиллуулахад харьцангуй хялбар байдаг. Pd-PEPPSI катализаторуудын нийлэгжилт ба бүтэц 2005 онд танилцуулагдаж, 2006 онд хэвлэгдсэн.

PEPPSI катализаторууд нь N-гетероцикл карбен (NHC) лиганд агуулсан органопалладийн комплексүүд юм. Эдгээрийг имидазолиумын давс, палладий(II) хлорид, калийн карбонатыг уусгагч болгон 3-хлорпиридинд хийж, агаарт 80 °C температурт 16 цагийн турш эрчимтэй хутган урвалд оруулснаар гарган авдаг. Энэ урвалын үед PEPPSI-ийн гарц 97–98 % байдаг.

PEPPSI нь агаар болон чийгэнд өртөхөд тогтвортой. Тэр ч байтугай диметил сульфоксидод 120 °C-т хэдэн цаг халаасан ч PEPPSI катализаторууд мэдэгдэхүйц задарч, идэвхээ алдахгүй. PEPPSI