Pizza Hut
Pizza Hut (Пицца Хат гэж дуудна; англи. Hut — «Овоохой, оромж») — 100 гаруй оронд 15 мянган салбартай пицца хоолны сүлжээ. Pizza Hut компани нь Yum! Brands корпорацад ордог.
1958 онд АНУ-ын Канзас мужийн Уичита хотод ах дүү Дан болон Фрэнк Карни нарын үүсгэн байгуулсан тус компани нь Америк маягийн пицца, түүнчлэн гоймон, тахианы далавч, талхны хатаамал, сармистай талх зэрэг хачраар мэргэшсэн юм. Тэд дэлхийн хамгийн том пиццаны сүлжээ байв.
Pizza Hut нь гэр бүлд зориулсан Pizza Hut болон Pizza Hut Express түргэн хоолны газрууд гэсэн хоёр төрөлд хуваагддаг. Гэр бүлийн пиццаны газрууд нь илүү олон төрлийн цэс, илүү олон суудал, илүү олон зөөгчтэй (жишээлбэл, Golden Corral рестораны сүлжээнд) гэдгээрээ бусад түргэн хоолны газруудаас ялгаатай юм.
Түүх
[засварлах | кодоор засварлах]Анхны Pizza Hut хоолны газар 1958 онд АНУ-ын Канзас мужид 600 долларын хөрөнгө оруулалттай нээгдсэн түүхтэй. АНУ-аас гаднах анхны Pizza Hut салбар 10 жилийн дараа буюу 1968 онд Канадад нээгдсэн юм. Сүлжээний пиццаны газрын нэг онцлог нь пицца хүргэлт байсан бөгөөд энэ нь компанийн нэр хүндэд ихээхэн хувь нэмэр оруулсан байна. Өнөөдөр Pizza Hut пиццаны газрууд дэлхийн 100 гаруй оронд үйл ажиллагаагаа явуулж байна.
1977-1997 онуудад Pizza Hut нь PepsiCo-ийн эзэмшилд байсан.