The China Quarterly

The China Quarterly бол 1960 онд орчин үеийн Хятадад байгуулагдсан, зохиолч, редактор, шүүмжлэгчид нь нууц байдаг, Британийн эрдэм шинжилгээний сэтгүүл юм.

Кэмбриджийн их сургуулийн хэвлэлээс хэвлэн гаргадаг бөгөөд Хятадын тухай нийтэлдэг дэлхийн хамгийн чухал ач холбогдол бүхий эрдэм шинжилгээний сэтгүүлүүдийн нэг юм. Антропологи, бизнес, уран зохиол, урлаг, эдийн засаг, газар зүй, түүх, олон улсын харилцаа, хууль, улс төр, социологийн талаар нийтлэдэг. Дугаар бүрдээ нийтлэлүүд, судалгааны тайлан, номын шүүмжийн хэсэгтэй. The China Quarterly-г анх Соёлын Эрх Чөлөөний Хурал байгууллагаас Зөвлөлтийн Судалгаа сэтгүүлээс салбарлуулан гаргасан. 1959 онд Зөвлөлтийн Судалгаа сэтгүүлийн Волтер Лакир хятад судлаач Родерик Макфаркуагаас 1960 онд хэвлэгдсэн шинэ сэтгүүлийн анхны дугаарыг хянан засварлаж өгөхийг хүссэн. 1968 онд сэтгүүлийн хэвлэл Соёлын Эрх Чөлөөний Хурлаас Лондоны их сургуулийн Африк, Дорнын судлалын сургуулийн Орчин үеийн Хятад институт руу шилжсэн. Соёлын Эрх Чөлөөний Хурал Фарфиелд Сангаар дамжуулан Тагнуулын Төв газраас санхүүждэг болох нь илэрснээр ийнхүү сэтгүүлийг шилжүүлжээ. Макфаркуа энэ тухай мэдээгүй, Соёлын Эрх Чөлөөний Хурал түүний редакторлах үйл явцад нөлөөлөөгүй хэмээн мэдэгджээ. Гэвч тэрээр Тагнуулын Төв газар, Британийн Гадаад Хэргийн Яамны нууц суртал ухуулгын нэгж болох Мэдээлэл Судалгааны Хэсгээс өгсөн нийтлэлүүдийг хэвлэсэн, мөн зохиолчдыг нууцлахын тулд нууц нэр өгсөн гэдгээ хүлээн зөвшөөрчээ.