Vanity Fair (сэтгүүл)

Vanity Fair бол алдартай соёл, загвар, цаг үеийн асуудлаар АНУ-ын Конде Настаас сар бүр хэвлэн гаргадаг сэтгүүл юм.

Vanity Fair -ийн анхны хувилбар 1913-1936 онд хэвлэгдсэн. 1983 онд Конде Наст сэтгүүлийг авсны дараа уг хувилбар дахин сэргэсэн. Vanity Fair-д одоогоор тус сэтгүүлийн олон улсын таван хэвлэл багтдаг. Олон улсын хэвлэлд Нэгдсэн Вант Улс (1991 оноос хойш), Итали (2003 оноос хойш), Испани (2008 оноос хойш), Франц (2013 оноос хойш), Мексик (2015 оноос хойш) нар багтдаг.

Түүх

Хувцаслалт ба Vanity Fair

Condé Montrose Nast 1913 онд эрэгтэй загварын Dress сэтгүүлийг худалдаж авсан. Тэрээр "Хувцаслалт ба Vanity Fair" болгон сэтгүүлийн нэрийг өөрчилж, 1913 онд дөрвөн дугаараа хэвлүүлжээ. Энэ нь 1920-иод он хүртэл үргэлжлэн хөгжиж байв. Гэвч Их хямралын нөлөөгөөр зар сурталчилгааны орлого нь буурчээ. Конде Наст 1935 оны 12-р сард Vanity Fair сэтгүүлийг 1936 оны 3-р сарын дугаараас эхлэн Vogue -д (156,000 ширхэг) нэгтгэх тухай зарлав. Vanity Fair сэтгүүл 2008 онд үүсгэн байгуулагдсны 95 жилийн ойгоо, дахин хэвлэгдсэнийхээ 25 жилийн ойг тэмдэглэсэн. Лондон дахь Үндэсний хөрөг галерей сэтгүүлийн гэрэл зургийн дурсгалыг тэмдэглэн "Vanity Fair хөрөг, 1913-2008" нэртэй үзэсгэлэн гаргаж, энэхүү үзэсгэлэн нь цаашлаад Эдинбург дахь Шотландын үндэсний хөрөг зургийн галерей, Лос Анжелес мужийн урлагийн музей, Австралийн Канберра дахь Үндэсний хөрөг зургийн галерейд тавигдсан. Vanity Fair: The Portraits хэмээх ойн тусгай дугаар, хатуу хавтастай ном 2008 оны намар хэвлэгдсэн.