WhatsApp (албан ёсоор -WhatsApp Messenger) нь Мета компанийн эзэмшдэг Америкийн үнэгүй шуурхай мессеж (IM) болон дуут IP (VoIP) үйлчилгээ юм. Энэ нь хэрэглэгчдэд текст болон дуут мэдээлэл буюу мессеж солилцох, дуут болон видео дуудлага хийх, зураг, баримт бичиг, хэрэглэгчийн байршил болон бусад өгөгдлийг хуваалцах боломжийг олгодог. Бүртгүүлэхэд гар утасны дугаар шаардлагатай байдаг.
Мессенжерийг бүтээсэн "WhatsApp Inc." компанийг 2009 оны 2-р сарын 24-нд Ян Кум, Брайн Эктон нар үүсгэн байгуулсан бөгөөд АНУ-ын Калифорни мужийн Санта Клара тойргийн Маунтэйн Вью (англи. Mountain View) хотод байрладаг. 2014 оны 10-р сараас хойш Метад харьяалагддаг болсон. 2016 онд үйлчлүүлэгчийн програмыг ашиглах нь албан ёсоор үнэ төлбөргүй болсон бөгөөд өнөөдрийг хүртэл хэрэглэгч зөвхөн програмын ашигласан интернетийн траффик буюу замыг төлдөг байна.
2015 он гэхэд WhatsApp нь дэлхийн хамгийн алдартай мессежийн үйлчилгээ болж, Латин Америк, Энэтхэгийн хойг, Европ, Африкийн ихэнх улс орон, бүс нутагт цахим харилцааны үндсэн хэрэгсэл болсон. 2022 оны 4-р сарын байдлаар Google Play-ийн мэдээлснээр WhatsApp программыг 5 тэрбум гаруй хүн утсандаа суулгасан байна. Уг үйлчилгээг тэрбум гаруй хүн ашигладаг гэсэн мэдээлэл байна.
WhatsApp-ийн нэр хүнд өндөр байгаа тул үүрэн холбооны операторуудын утас хооронд SMS, MMS мессеж дамжуулах орлого буурчээ. 2012 оны зарим тооцоогоор үүрэн холбооны операторуудын алдагдал хэдэн арван тэрбум долларт хүрч магадгүй байна.
Түүх
[засварлах | кодоор засварлах]Уг програмын анхны албан ёсны хувилбар нь 2009 оны 11-р сараас эхэлсэн. 2012 оны 4-р сарын байдлаар WhatsApp-аар өдөрт 2 тэрбум, 2012 оны 8-р сард 10 тэрбум, 2013 оны 6-р сард 27 тэрбум, 2015 оны 3-р сарын байдлаар 50 тэрбум гаруй мессеж илгээсэн байна. 2018 оны 2-р сард WhatsApp-аар өдөрт 5 тэрбум орчим хүн мессеж илгээсэн гэсэн тоо баримт байна.