XI Пио
XI Пио (латин. Pius XI, Ромын Пап болохоос өмнө— Амброжо Дамиано Акилле Ратти, итали. Ambrogio Damiano Achille Ratti; 1857 оны 5-р сарын 31-нд Австр-Унгарын Ломбардо-Венецийн хант улсын Дэзио хотод төрсөн- 1939 оны 2-р сарын 10-нд Ватиканд нас барсан) — 1922 оны 2-р сарын 6-наас 1939 оны 2-р сарын 10 хүртэл Ромын Пап лам байсан. Түүнийг Пап ламын сэнтийд байх үед 1929 онд Ватикан хот улс байгуулагдсан.
Намтар
[засварлах | кодоор засварлах]Аброжио Дамиано Ахилле Ратти 1857 онд Милан мужийн Дезио хотод торгоны үйлдвэрийн эзний хүү болон мэндэлжээ.
1879 онд санваартан болж, тэрээр сүмд эрдэм шинжилгээний карьераа эхлүүлжээ. Тэрээр Ром дахь Папын Грегорийн Их Сургуульд философи, каноны эрх зүй, шашны чиглэлээр гурван докторын зэрэг хамгаалж, дараа нь 1882-1888 онуудад Падуа дахь шашны сургуульд профессороор ажиллаж байжээ. Түүний эрдэм шинжилгээний мэргэжилд эртний сургаал, дундад зууны үеийн сүмийн гар бичмэлүүд багтдаг байв. Эцэст нь тэрээр 1888-1911 онуудад Милан дахь Амброзианы номын санд бүтэн цагаар ажиллахаар шашны сургуулиа орхижээ.
1911 онд тэрээр Ромын Пап X Пиогийн (1903-1914) урилгыг хүлээн авч, Ватикан руу нүүж очоод Ватиканы Апостолын номын сангийн дэд захирагч болж, 1914 онд захирагчаар томилогджээ.
1918 онд Ромын Пап XV Бенедикт (1914–1922) түүнээс мэргэжлээ өөрчилж, Герман, Австри-Унгарын хяналтад байсан шинээр байгуулагдсан Польш улсад Папын элч төлөөлөгчийн (өөрөөр хэлбэл албан бус папын төлөөлөгч) дипломат албан тушаалд томилогдохыг хүссэн. 1918 оны 10-р сард XV Бенедикт Польшийн ард түмэн тусгаар тогтнолоо сэргээн мандуулсанд баяр хүргэсэн анхны төрийн тэргүүн болжээ.
1922 оны 1-р сарын 22-нд Ромын Пап XV Бенедикт уушгины хатгалгаагаар гэнэтийн байдлаар нас баржээ.
Шинэ Ромын Папыг сонгох конклав дээр Кардиналуудын Зөвлөл хоёр бүлэгт хуваагджээ: нэг нь Рафаэль Мерри дель Вал тэргүүтэй Ромын Пап X Пиогийн бодлогыг дэмжиж байсан бол нөгөө нь Пьетро Гаспарри тэргүүтэй Ромын Пап XV Бенедиктийн бодлогыг дэмжиж байв.
Ратти 1922 оны 2-р сарын 6-нд болсон арван дөрөв дэх удаагийн хурлаар Ромын Папаар сонгогдож, "XI Пио" гэсэн нэрийг авсан нь IX Пио залуу насныхаа Ромын Пап байсан бөгөөд X Пио түүнийг Ватиканы номын сангийн тэргүүнээр томилсонтой холбон тайлбарлаж байв.