Жао Вэй

Жао Вэй
Нэр	Жао Вэй
Англи нэр	Vicky Zhao
Төрсөн өдөр	12.3.1976 (нас 34)
Мэргэжил	Дуучин, Жүжигчин
Гэрлэлт	Huang Youlong (2008 - present)

Жао вэй (1976 оны 3 сарын 12-нд төрсөн)нь эх газрын Хятадын жүжигчин, поп дуучин юм. Телевиз үзэгчид түүнийг Англи нэр болох Vicki Zhao (хааяа Vicky Zhao гэж үсэглэдэг) нэрээр нь дуудах нь элбэг байдаг. Тэрээр 100 Цэцгийн шагнал гардуулах ёслол, Шанхайн кино шүүмжлэгчдийн шагнал гардуулах ёслол, Huabiao шагнал гардуулах ёслол, Алтан бүргэд Телевизийн шагнал гардуулах ёслол болон Шанхайн кино фестивал Golden Globet-д шалгарч байсан. Жао вэй Бээжингийн Кино Академид суралцаж байхаасаа кино мөсөлд оролцож эхэлсэн байна. Түүнийг алдарт гаргасан дүр нь Тайваний Телевизийн олон ангит Хуанжу гэг (Сувд гэг) киноны гол дүр байсан юм. 1999 онд Хуанжу гэг кино нь дэлгэцэнд гарснаас хойш түүний дуучны карьер эхэлж "Хараацай" (Swallow) нэртэй анхны альбумаа гаргажээ. Жао вэй Хятадын "Дөрвөн залуу тэргүүлэгч жүжигчид" (Жао вэй, Шу Жинлэй, Зян Зи И болон Жоу Шун)-ийн нэг юм.

Хүүхэд нас

Жао вэй нь Хятадын Анхуй мужийн Вүхү хотод айлын хоёр дох хүүхэд болон төрж өссөн. Түүний аавыг Жао Жайхай гэр ахуйн хэрэгслийн зохийн бүтээгч мэргэжилтэй, ээжийг Вэй Чин багш мэргэжилтэй харин ахыг нь Жао Жиан (1971 онд төрсөн) гэдэг. Тэрээр Teachers’ College Бага Сургууль (Shi Fan Fu Xiao) болон Teachers’ College Ахлах Сургууль (17th Secondary School Shi Fan)тус тус төгссөн.

Тухайн үед, Жао вэй хэзээ ч өөрийгөө алдартай болно гэж төлөвлөж байгаагүй, гэдгээ дараа нь тайлбарласан байдаг. "Жүжигчин хүн хөөрхөн байх ёстой, харин би жирийн л хүн гэж боддог байсан" гэжээ. Түүнийг 17 настай байхад Вүхү-д кино зураг авалтын баг ирж Hua Hun кинонд Gong Li туслах дүрд тоглох хүнийг хайж байхтай нь таарчээ. Энэ туслах дүрд тоглосныхоо дараа тэрээр төрөлх хотоо орхиж жүжигчин болохоор шийдсэн байна.