Цэцэрлэг (хот)

"Цэцэрлэг хот" болон "Цэцэрлэг" үгээр энд холбогдлоо. Өөр салаа утга, «Цэцэрлэг хот (салаа утга)»-с харна уу.

Цэцэрлэг хот
сум
Эрдэнэбулган сум
Цэцэрлэг хот Цэцэрлэг хот
Улс орон	Монгол
Аймаг	Архангай
Сум	Эрдэнэбулган
Баг (6)	1. Цагаандаваа 2. Арсланцохио 3. Цагдуулт 4. Бортолгой 5. Наранбулаг 6. Цагаандэл
Сумын төв	Цэцэрлэг
Газар нутаг	536 км²
Хүн ам (тоол.)	2010 онд 20,604 хүнА
Нутгийн олон	Цэцэрлэгийнхэн, Эрдэнэбулганыхан
А Энэ нь зөвхөн МУ-ын суурин иргэний тоо. Үүнд гадаадын харъяат иргэн, гадаадад оршин суугаа МУ-ын иргэн багтаагүй.
Монгол улсын Архангай аймаг дахь Эрдэнэбулган сум, түүний төв Цэцэрлэг хот Монгол улсын Архангай аймаг дахь Эрдэнэбулган сум, түүний төв Цэцэрлэг хот

Эрдэнэбулган сум Архангай аймгийн Эрдэнэбулган сум нь Хангай нурууны ой мод, гол мөрөн, төрөл бүрийн ан амьтантай, цэцэг, жимс дэлгэрсэн байгалийн гоо үзэсгэлэн бүрдмэл өндөр, сүрлэг дархан цаазат Булган уулын өвөрт, хойд, урд Тамирын голын дунд далайн түвшнээс дээш 1695 метрийн өндөрт Булган, Ихтамир, Батцэнгэл, Цэнхэр сумдтай хиллэдэг. Эрдэнэбулган сум нь 6 баг, 5524 өрх, 20338 хүн амтай, 74055 толгой малтай /2011 оны байдлаар/, нийслэл Улаанбаатар хотоос өрнө зүгт 480 километр зайд байрлана. 1922 онд засаг захиргааны хувиараар аймгийн чуулган даргын захиргааг Цэцэрлэг мандал аймгийн яам болгож, Заяын шавийг Эрдэнэ Булган уулын хошуу болгон өөрчилж Цэцэрлэг мандал аймгийн төв нь болсон. 1952 онд Булган сумын 7, 10, 11, 12 дугаар багийг нэгтгэн хороо, захиргаа буюу аймгийн төв, 1961 онд Цэцэрлэг хот, 1992 онд Эрдэнэбулган сум болон өөрчлөн зохион байгуулагсан. Цэцэрлэг хот нь ерөнхий боловсролын 7 сургууль, хүүхдийн 7 цэцэрлэгтэй, театр, зочид буудал, нэгдсэн болоод хувийн хэвшлийн эмнэлэг, Монгол Улсын Боловсролын их сургуулийн харьяа Багшийн сургууль, хувийн хэвшлийн сургууль, Мэргэжлийн сургалт үйлдвэрлэлийн төвүүдтэй. Гол үйлдвэрлэл нь сүү цагаан идээ, мах боловсруулалт, гурилан бүтээгдэхүүн зэрэг хүнсний боловрсуулалт.

Зургийн цомог

• 
  Заяын хүрээ
• 
  1990 онд сэргээгдсэн Галдан зуу