Twice

Tваяс
2016-02-27
Товч танилцуулга
Үндсэн нэр	Англи: TWICE
Бусад нэр	солонгос галиг: "트와이스" монгол галиг: "Тваяс"
Бүрдсэн газар	Өмнөд Солонгос (БНСУ)
Дуулдаг хэл	Солонгос хэл, Япон хэл, Англи хэл
Зах зээл	Өмнө Солонгос, Япон
Урсгал	Поп, Солонгос поп, Бүжигт поп, Өсвөрийн поп, Өнгөт поп
Танил үе	2015 он - Одоо
Хөтөч	JYP Entertainment Warner Music Japan
Гишүүн (9)	Наён Жонён Момо Сана Жихю Мина Дахён Чэёон Жыви
Цахим хаяг	twice.jype.com

Twice аяс" (Англи: Twice- «хоёр дахин»; 트와이스) — Өмнө Солонгосын дуу бүжгийн хамтлаг.

Өмнө Солонгосын "JYP Entertainment" 9 гишүүнтэй охидын хамтлагийг Twice 2015 онд байгуулсан. Хамтлагийн 9 гишүүн Наён, Жонён, Момо, Сана, Жихю, Мина, Дахён, Чэёон, Жыви нар Sixteen телевизийн шоунаас шалгаран 2015 оны 10 сарын 20-нд The Story Begins мини цомогтойгоо дэбютээ хийсэн.

Twice хамтлаг 2016 онд "Cheer Up" дуугаа гаргаснаар алдар нэрт хүрэх эхлэлээ тавьсан. Энэ дуу нь олон хөгжмийн чартуудыг тэргүүлж, нэр хүндтэй шагнал гардуулах ёслол болох Melon Music Awards болон Mnet Asian Music Awards-аас "Оны шилдэг дуу" шагналыг хүртсэн. Үүний дараагаар тэдний дараагийн гаргасан Twicecoaster: Lane 1 мини цомгийн "TT" дуу нь 4 долоо хоног дарааллан хөгжмийн чартуудыг тэргүүлсэн. Дэбютээ хийснээс 19 сарын дараагаар Twice 1.2 сая гаруй цомог борлуулаад байсан. 2019 оны байдлаар 3.75 сая цомог Солонгост борлуулаад байсан ба 2020 оны 12 сарын байдлаар Солонгос болон Японд 10 сая гаруй цомог борлуулжээ. "Cheer Up" (2016), "TT" (2016) and "Signal" (2017) дуунууд нь Өмнөд Солонгост хит болоод зогсохгүй олон алдартнууд бүжгийн хөдөлгөөнийг дуурайн дэмжиж байсан.

Хамтлаг 2017 оны 6 сарын 28-нд Япон дахь дэбютээ #Twice цомогтойгоо хийсэн. Уг цомгоороо Японы Oricon Albums Chart-д 2 дугаарт жагссан, 2 жилд, эхний долоо хоногтоо хамгийн олон цомог борлуулсан K-pop уран бүтээлч болсон. Үүний дараа 10-р сард анхны Япон дуу болох "One More Time" дуугаа гаргасан. Twice Японд анхны "platinum" гэрчилгээг цомог болон дуугаараа нэг жилд хүртсэн охидын хамтлаг болсон. Тэд 2019 онд Японд dome tour тоглолтоо хийсэн ба ийм аялан тоглолт хийсэн анхны Солонгосын охидын хамтлаг болсон.

Twice олон улсын маш олон амжилттай, анхны бүрэн хэмжээний цомог Twicetagram ба гол дуу "Likey"-г 2017 онд гарган "Billboard World Albums" ба "World Digital Song Sales" чартад нэг зэрэг тэргүүлсэн анхны Солонгосын эмэгтэй уран бүтээлч болсон. 2020 онд JYP Entertainment сурталчилгаа хийхээр Америкийн Republic Records-той гэрээлж улмаар More & More болон Eyes Wide Open цомгоороо Billboard 200-д жагссан. Twice Солонгост "Үндэсний Охидын Хамтлаг" гэх тодотголтой ба олон телевизийн шоунд энэ тодотголоор зарлагдсан байдаг.

Түүх

Бэлтгэл

2013 онд JYP Entertainment компани шинэ эмэгтэй хамтлаг 2014 оны эхний хагаст багтааж гаргана гэдгээ мэдэгдсэн. 2014 оны 2-р сард Лена, Сесилья гэж олонд танигдсан хоёр дадлагажигч дээр Наён, Жонён, Жисү (хожмын Жиxю), Миньён зэрэг дадлагажигчийг оруулж «6Mix» гэсэн бүлэг үүсгэсэн. Дараа нь Сесилья гарч Сана орж ирсэн ба Лена компаниас гарснаар тус бүрэлдэхүүнээр хамтлагийг үүсгэхийг болиулсан.

2015 онд Паг Жинён захирал 7 гишүүн бүхий охидын хамтлагийг Mnet телевизээр гарах «Sixteen» уралдаант хөтөлбөрөөс буюу нэр бүхий 16 дадлагажигчийнхаа дундаас шигшиж байгуулахаа зарлажээ. Телевизийн үзвэр 5 сарын 5-наас 7 сарын 7-ны хооронд болж Наён, Сана, Дахён, Чэёон, Мина, Жихю, Жонён гэсэн 7 гишүүнийг шалгаруулсан. Гэвч тэр үдшийн оройн гэнэтийн мэдээ буюу хамтлагийг 9 гишүүнтэй болгохоор шийдэж Жыви, (үндсэн долоод багтаагүй) үзэгчдийн сонголтоор сонгогдож, Момо, (өмнөх шатнаас хасагдсан) үзүүлбэрийн чадварт үндэслэн Паг Жинён болон арын ажилчдын сонголтоор нэмэгджээ. Хамтлагийн нэр TWICE нь (хоёр удаа гэсэн утгатай) нэг удаа сэтгэл татам хөгжмөөрөө, нэг удаа сэтгэл татам үзүүлбэрээрээ хүмүүсийн сэтгэл зүрхэнд хүрнэ гэсэн утгатай. Фенүүдийн нэр болох ONCE (нэг удаа гэсэн утгатай) нь гишүүдийн хэлснээр "Биднийг нэг удаа хайрлавал , бид тэр хайрыг тань хоёр дахин илүү болгон буцаан өгнө" гэсэн утгатай ажээ.

Эхлэл: 2015 он

2015 оны 10 сарын 20-нд хамтлагийн анхны «The Story Begins» миницомог худалдаанд гарав. Цомгийн гол дуу нь «Like Ooh-Ahh» нэртэй байсан ба тус дуу хип хоп, рок, ритм-блюз хольц бүхий өнгөт поп хэмээх бүжигт дууны урсгалынх гэж тодорхойлогджээ.

2016 он

Хамтлаг «Page Two» хэмээх хоёрдугаар мини цомгоо 2016 оны 4-р сард гаргасан ба гол дуу нь "Cheer Up" нэртэй.

Бүрэлдэхүүн

"TWICE" хамтлаг есөн гишүүнтэй. Үүнд 5 Солонгос гишүүн (Наён, Жонён, Жихю, Дахён, Чэёон), Япон 3 (Мина, Момо, Сана) Тайвань 1 (Жыви) гишүүдтэй.

#	Тайзны нэр			Төрсөн нэр		Төрсөн өдөр, газар	Үүрэг
	монгол	солонгос	латин	монгол	төрөлх
1	Наён	나연	Nayeon	Им Наён	임나연	1995 оны 9 сарын 2 (1995-09-02) Өмнөд Солонгос Өмнөд Солонгос, Сөүл	Дэд хоолой
2	Жонён	정연	Jeongyeon	Юү Жонён	유정연	1996 оны 11 сарын 1 (1996-11-01) Өмнөд Солонгос Өмнөд Солонгос, Сүвонь	Дэд хоолой
3	Момо	모모	Momo	Хирай Момо	平井もも	1996 оны 11 сарын 9 (1996-11-09) Япон Япон, Киото	Гол бүжигчин
4	Сана	사나	Sana	Минатозаки Сана	湊崎紗夏	1996 оны 12 сарын 29 (1996-12-29) Япон Япон, Осака	хоолой
5	Жихю	지효	Jihyo	Пак Жихю	박지효	1997 оны 2 сарын 1 (1997-02-01) Өмнөд Солонгос Өмнөд Солонгос, Күри	Ахлагч, Гол хоолой
6	Мина	미나	Mina	Миёи Минами	名井 南	1997 оны 3 сарын 24 (1997-03-24) Америкийн Нэгдсэн Улс Америкийн Нэгдсэн Улс, Сан-Антонио	Дэд хоолой, дэд бүжигчин
7	Дахён	다현	Dahyun	Ким Дахён	김다현	1998 оны 5 сарын 28 (1998-05-28) Өмнөд Солонгос Өмнөд Солонгос, Соннам	Туслах рэппэр
8	Чэёон	채영	Chaeyoung	Сун Чэёон	손채영	1999 оны 4 сарын 23 (1999-04-23) Өмнөд Солонгос Өмнөд Солонгос, Сөүл	Гол рэппэр, Туслах хоолой
9	Жыви	쯔위	Tzuyu	Жоу Жыви	周子瑜	1999 оны 6 сарын 14 (1999-06-14) Тайвань Тайвань, Тайнань	Нүүр царай, хоолой, Maknae

Гишүүдийн зураг: