Унадаг дугуй

Бианчи 1950-1952 онд үйлдвэрлэгдсэн загвар, анхны загварыг 1907[1] онд Францын унадаг дугуйн тамирчин Петит Бретон Миланд болсон анхны Милан-Санремо дугуйн уралдаанд унаж түрүүлсэн

Унадаг дугуй (bicycle) бол хүний булчин шөрмөсний хүчээр хөдөлдөг, хөл гишгүүр буюу дөрөөг жийж явдаг, арын болон урд хэсэгтээ их биед нь хавсаргасан хоёр ширхэг дугуйтай, нэг мөртэй хуурай замын тээврийн хэрэгсэл юм. 1840 оны эхээр Шотландын зохион бүтээгч Киркпатрик Макмиллан (1813-1878) дөрөө, тахир гол, шилбэн дамжуулгаар хөдөлдөг унадаг дугуй бүтээсэн байна. 1890-ээд онд унадаг дугуйны стандарт загвар бий болсон бөгөөд хийлсэн хаймартай дугуйтай болж зөөлөн явдалтай болжээ. Унадаг дугуй XIX зууны сүүлчээр нийтийн хүртээл болсон бөгөөд одоо дэлхийн хэмжээнд нэг тэрбум орчим дугуй байгаа нь автомашинаас даруй хоёр дахин их байна. Хүүхдийн тоглоом, фитнэс, цэрэг, цагдаагийн даалгавар гүйцэтгэх, шуудангийн үйлчилгээнд ашигладаг бөгөөд мөн дугуйн уралдаанд ашигладаг. Хэдэн онд үүссэн юм бол ? Ойролцоогоор МЭӨ 1300 жилээс үүссэн гэж үздэг.

Унадаг дугуйн төрөл[засварлах | кодоор засварлах]

Модон дугуй

Хамгийн анхны унадаг дугуй бол модон унадаг дугуй байсан юм. Сүүлд модон материалыг металл болон хуванцар болгон өөрчилсөн байна. Гэхдээ эртний түүх давтагдаж Японы зохион бүтээгч Йожиро Ошима модон унадаг дугуйг бүтээжээ.

Чоппер унадаг дугуй

Чоппер дугуй сүүлийн үед нэлээд моодонд ороод байгаа. Custom Max унадаг дугуй өргөн дугуйтай бөгөөд та нэг жийхэд л хангалттай юм байна. Ретро загварын унадаг дугуй Cykno нэрт энэхүү унадаг дугуй нь цахилгаан хөдөлгүүртэй аж.

Хамгийн хямд, хамгийн хөнгөн унадаг дугуй

Израилийн дизайнер Ицгар Гафни энгийн картоноор дугуй хийсэн байна. Хэрвээ картоныг давирхайгаар хучаад, усны хамгаалалттай, галын хамгаалалттай будгаар будвал унахад тохиромжтой гэнэ. 20 долларын үнээр зарагдах боломжтой аж.

Ачаанд зориулсан унадаг дугуй

Унадаг дугуйг ачаа тээвэрт ашиглах нь элбэг байдаг. Гэхдээ том ачаа зөөхөд хэцүүхэн байдаг учир Donkey хэмээх дугуйг бүтээсэн байна. Хоёр ачаатай учир ачааны жинг нэгэн жигд хуваарилахад тохиромжтой.

Үүргэвчтэй унадаг дугуй

Аялалд дуртай идэвхтэй аялагчдад зориулан германы Бергмёнх компанийхан эвхэгддэг үүргэвчтэй унадаг дугуйг бүтээсэн байна.

Зэвэрдэггүй төмрөөр хийсэн унадаг дугуй

Уралдааны мотоцикл мэт загвартай энэхүү унадаг дугуйг инженер Индрек Наруск бүтээжээ.

Хулгайлагдах боломжгүй дугуй

Унадаг дугуйг хулгайлах тохиолдол нэлээд байдаг учир Британийн дизайнер Кевин Скотт нэгэн гайхалтай аргыг сэдсэн байна. Дугуйгаа шонд ороож түгжихэд л хангалттай гэнэ.

Ауди-аас гаргасан спортлог дугуй

AUDI Worthersee нь хурдаа 5 төрлөөр тохируулах боломжтой юм байна. Хамгийн ихдээ 80 км\цаг хурдлах чадвартай. Заавал педалийг нь жийх хэрэггүй гэнэ.

Нарны эрчим хүчээр ажилладаг

Ele дугуй нь нарны эрчим хүчээр мотороо цэнэглэдэг байна. Нарны тусгалд тааруулан 30 градус хүртэл эргүүлж болох бөгөөд наргүй үед энгийн тохиргоог сонгож шууд жийгээд явж болох юм байна.

Өрөв тас

Дугуй нь хамгийн анхны тээврийн хэрэгсэл байжээ. Ялангуяа Оросын тосгонд дугуй унасан хүүхдүүд бусдын анхаарлыг нэлээд татдаг байсан байна

Сурагч

Ахлах ангийнханд зориулсан унадаг дугуй. Үүний ачаар хүүхдүүд дугуйгаа хийлж, нөхөж сурсан байна.

Урал

Ган хүрээ, бат бөх дугуй, хөл тоормостой энэхүү дугуй олон арван жилийн туршид ашиглагдах тээврийн сайн хэрэгсэл болсон байна.

Жуулчин

Дээр үеийн хамгийн шилдэг, хамгийн хурдан унадаг дугуйны нэг байжээ.

Аварга

Уралдахад нэн тохиромжтой эртний дугуй.

Мото-унадаг дугуй

Оросын хамгийн анхны мопед ч гэж болно. 1960 оноос хойш үйлдвэрлэж эхэлсэн бөгөөд дугуй сонирхогчдын мөрөөдөл болж байсан байна.

Цахим холбоос[засварлах | кодоор засварлах]

 Commons: Унадаг дугуй – Викимедиа зургийн сан
Wiktionary
Wiktionary
Wiktionary: Унадаг дугуй – Энэ үгийг тайлбар толиос харна уу
Wiktionary
Wiktionary
Wiktionary: Velo – Энэ үгийг тайлбар толиос харна уу

Зүүлт тайлбар[засварлах | кодоор засварлах]

  1. dailypeloton.com хандсан 2016-07-19